На почетокот на септември либанскиот моден креатор Ели Саб стана дедо. Раѓањето на бебето Софија во една ваква бурна година во родниот Либан, кога во време на пандемијата се случи опасна експлозија во Бејрут, се совпадна со неговата решеност новата претапорте колекција наречена „Нова зора“ да се темели на „новите почетоци“. „Сакаме да го славиме животот и квалитетот на животот“, изјави Саб за Vogue.
За време на августовската експлозија во пристаништето на Бејрут, беа уништени неговото ателје и домот. Куќата во која Саб живее, изградена на почетокот на 20-от век и еден од ретките примери на традиционална архитектура што останала во Бејрут по граѓанската војна, беше уништен, лустерите кои датираат од османлиската ера беа скршени и прозорците разнесени. Неговото ателје беше исто така претворено во урнатини. Неговиот тим работеше ноќе и дење за да ателјето за висока мода од 200 луѓе биде ставено во функција само 15 дена подоцна. „Либанскиот народ секогаш гледа напред, живееме за утре и планираме сè да биде подобро и поубаво“.
Во контекст на нови почетоци и славење на животот, Саб новата колекција наместо на пистн во Париз, каде што исто така има ателје, ја претстави преку видео и фотографии направени во планинест предел во околината на Факра, на кои манекенки облечени во неговите препознатливи креации го претстават ритуалот на танцување и церемонија со кои се слави животот и се нагласува огромниот околен пејзаж, за „да се создаде чувство на слобода“.
Колекцијата е конципирана како неколку серии во разни бои – розова, зелена, црвена, тиркизна, има и многу бела и црна, а кои асоцираат на различни нешта, како мир, спокојство, тага…
Вечерни фустани, свечени комплети со панталони, модели со пердуви и балонести ракави, ситни карнери и плисирани елементи, елегантни костими и фустани, новата колекција се базира на безевременска женственост.
Нема коментари