Легендарниот јапонски иноватор во електронската музика Kouhei Matsunaga утре (четврток) ќе ќе го претстави техно-проектот NHK’Koyxen во Скопје. Од BTKRSH колективот најавуваат дека забавата ќе се одржи под отворено небо во „Капан ан“.
Kouhei Matsunaga е култен продуцент, илустратор и звучен иноватор кој своето време го поминува помеѓу родениот град Осака (Јапонија) и Берлин, каде што е еден од најзначајните артисти во берлинската техно, но и експериментална сцена. Својата музика, под голем број на алиаси ја издава за култни издавачки куќи како Raster-Noton, Skam, PAN и Mille Plateaux, додека импресивната листа на неговите музички соработници ја сочинуваат артисти како Mika Vainio, Merzbow, Sean Booth (Autechre), Sesnational (Jungle Brothers), Conrad Schnitzler, Mark Fell, Antipop Consortium… NHK’Koyxen е псевдонимот кој Kouhei го користи за својата клубска техно продукција, а настапот во Скопје е дел од неговата прва поголема светска турнеа со овој проект, која опфаќа настапи во култни клубови ширум светот како Berghain, Fri-Son, Gesamkunstwerk.
Нема коментари