Музејот на модерна уметност (MoMA) во Њујорк во јули ја отвора изложбата Toward a Concrete Utopia: Architecture in Yugoslavia, 1948–1980, која се однесува на архитектурата во поранешна Југославија која што ја одликуваат бетонски и бруталистички градби. Ова е прва голема презентација на работата развиена во 45-те заеднички години на поранешната држава, и ќе се одржи во еден од најдобрите и најпознатите светски музеи на современа уметност.
Футуристични и експресионистички градби, импресивни бетонски структури и смели визии во урбаното планирање биле креирани во комунистикичкото доба во Југославија, а ќе бидат предмет на големата изложба со преку 400 цртежи, скици, модели, фотографии и видеа на најимпресивните архитектонски дела планирани и изградени во периодот од 1948 до 1980 година. Едно од централните проекти е амбициозната визија на македонскиот архитект Јанко Константинов за Телекомуникацискиот центар во Скопје, односно главната пошта сместена во центарот на Скопје.
Споменикот во Сутјеска, Плоштадот на Репуликата во Љубљана и Сава Центар во Белград се дел од изложбата во МоМА
Поставката наречена „Кон бетонската утопија: Архитектурата во Југославија 1948-1980“ ќе ги претстави архитектите Богдан Богдановиќ, Едвард Равникар, Милица Штериќ, Јурај Неидхарт, Вјенцеслав Рихтер, Светлана Кана Радевиќ, како и некои од најимпресивните градби од тоа време, од висококатниците со интернационален стил до бруталистичките социјалистички згради. Во најавијата на MоMA стои дека сето ова претставува манифестација на радикален плурализам, хибридност и идеализам кои ја карактеризираа и самата Југославија.
На изложбата ќе се прикаже и реконструкцијата на Скопје после земјотресот во 1963 година, како што објаснуваат од МоМА базирана на метаболистичкиот дизајн на Кензо Танге.
Изложбата во МоМА ја организираат Мартино Стиерли, главниот куратор за архитектура и дизајн во музејот и гостинот куратор Владимир Кулиќ. Ќе биде отворена на 15 јули годинава и ќе трае до 13 јануари 2019 година.
Главната пошта во Скопје предмет на истражување на архитектите од цел свет
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари