Модата не е она што порано беше. Некогаш таа беше привилегија на богатите, на елитата. Сега е на дофат на секого. Во последниве две-три декади потрошувачите изискуваат ефтина облека која им донесе модна нирвана. Орманите постојано се полнат со облека купена по пониска цена која се чинела како добра зделка во тој момент. Но, бидејќи орманите не се зголемуваат, ваквите парчиња се отфрлаат без многу размислување по само неколку месеци носење. Затоа оваа облека произведена од брендовите на широка потрошувачка се нарекува брза мода (fast fashion).
Но, како противтежа на „синдромот” на брзата мода во модниот свет се појавува движење наречено „бавна мода”. Терминот е прв пат преставен од Кејт Флечер во 2007 година. Според неа „бавната мода” не е сезонски тренд кој доаѓа и си заминува како месечева мена, туку е одржливо модно движење кое се повеќе добива на значење. Ова движење е на истата линија со движењето наречено „бавна храна”, а целта е да се намали стапката на промена на модните мени на одржливо и реално темпо.
Но прашањето е, зошто брзите модни трендови се толку лоши кога ги добиваме нивните бенефиции за плаќање помалку, а добивање повеќе. За тоа треба да се погледне поголемиот контекст.
„Купувам , значи постојам!” е слоганот на новото време кој зборува за материјалистичкиот свет и растењето на конзумеризмот. Иако овој слоган потекнува од 80-тите, никогаш не звучел повистинито и поубедливо за денешните генерации. Преведено, тоа значи, ние сме она што го купуваме. Купуваме облека која е тренди, модерна, а по ниска цена која се фрла по неколку месеци употреба. Ако се суди според овој слоган, тогаш ние не сме ништо друго освен ефтини и за еднократна употреба. Податоците говорат дека денес се купува четири пати повеќе од колку во 80-тите. Тоа значи дека се ослободуваме од исто толку работи секоја година за да направиме место во плакарите за „последната” мода.
За да се прилагодат на потребите на алчните потрошувачи, производителите прават сè повеќе облека во сè помалку време. Новите трендови во модата се достапни на потрошувачите побргу од кога било, со цел за инстантно задоволување на потребите без никакво општествена совест.
Движењето „бавна мода“ ги поттикнува корисниците да размислат пред да купат. Тоа ги мотивира да купуваат транс-сезонски облеки, кои се изработени од квалитетни материјали во процеси на производство кои ја заштитуваат животната средина. Ако брзата мода се однесува повеќе на алчноста и брзината, поборниците на нејзината антитеза сакаат да успорат малку и се фокусираат на квалитетот наместо на скратување на времето.
Тоа се однесува на воспоставување конекција со нашата облека, повеќе од колку на неа да се гледа како на брзи трендови кои брзо ќе бидат отфрлени. Тоа е за уживањето додека се купува убаво направена облека со безвременски дизајн, да се препознае квалитетот и грижата за својата облека.
жата во квалитетот на живеење. Постојат потрошувачи кои се свесни за фактот дека со купување на нешто што е квалитетно ќе трае подолго од што било купено за „една употреба”.
Бавната мода оди рака под рака со почитта. Почит за ресурсите и луѓето. Почит за средината и еколошка и економска. А зошто е почитта толку важна? Бидејќи треба да се почитуваме себеси, бидејќи она што го даваш , тоа и го добиваш.
Нема коментари