„Италија е љубов“ е животното, но и дизајнерското мото на двоецот Доменико Долче и Стефано Габано, водилка и во новата колекција за пролет-лето 2014 прикажана вчера за време на модната недела во Милано. Новите креации се ода на Италија и на италијанските жени, на градовите и спомениците на оваа земја. Но, покрај тоа што ги користат убавините и шаренилото на Италија како посвета во својата креаторска работа, Долче и Габана се осврнаа и на важноста/опседнатоста со дигиталните медиуми, па манекенките на писта позираа како фоторафираат селфи со мобилни телефони кои потоа го постираа на „Инстаграм“.
Долче и Габана во новата колекција уште повеќе ги нагласија своите препознатливи дизајнерски кодови – цветни мотиви и задолжителна тантела, традиционална италијанска иконографија, мотиви на римски статуи и кулата од Пиза, мини фустани и долги шифонски креации, свилени костими и раскошен вез. Првиот впечаток е импресивен, но прашање е дали дизајнерите само ја повторуваат својата работа, само додавајќи секоја сезона нови принтови. Дизајнерите колекцијата ја дополнија со сега веќе познатите круни, потоа дамски чанти кои реферираат на 50-тите и раскошно украсени слушалки и очила за сонце.
Нема коментари