Анџелина Џоли на премиерата на својот нов филм, Марвеловиот Eternals, дојде во друштво на своите деца, а на настанот во Лос Анџелес таа се појави во кафена креација од долг корстетиран горен дел и широки панталони, дел од последната ресорт колекција на Балман. Актерката ја подели модната критика околу тоа дали е ова добра креација достојна за на црвен килим, но сепак доби пофалби за накитот и интересниот прстен на усната. Накитот е винтиџ со потпис на Тифани.
Но големо внимание привлекоа нејзините деца, кои за црвениот килим избраа стари и апсајклирани парчиња кои Џоли ги има во својот плакар, со што демонстрираа пример за одржлива мода. Па така Захара го облече фустанотна Ели Саб што Анџелина го носеше на Оскарите во 2014 година.
-Моите деца измешаа винтиџ парчиња и ги ставивме старите работи во оптек– изјави Џоли на црвениот килим на премиерата. Захара го облече мајчиниот оскаровки фустан, Медокс носеше црн костум, Вивиен бел фустан, Нокс темен костум со интересен елемент на панталоните, а Шајло избра асиметричен фустан во боја на песок. Некои од овие парчиња се позајмено од плакарот на Анџелина.
Нема коментари