Последниве неколку дена, во Скопје се зборува за мистериозни златни покани кои кружат низ градот. Изгледаат интересно, будат љубопитност, но не откриваат многу. Овие покани, иако златни, не појаснуваат која е нивната намена.
Златните мистериозни покани пристигнуваат до своите приматели со специјална испорака. Покрај нив има и писменце, кое повторно, самото по себе е целосна мистерија.
Писменцето се состои од интересен текст што наликува на љубовно писмо, но не можеме да сме сосема сигурни во инспирацијата позади него бидејќи е всушност составено од неколку загатки. На крајот стои покана за добредојде, која веројатно соодвествува на одговорите на загатките. Писменцето е покана за примателот на златната покана – да ја разоткрие оваа енигматична порака, за да ја разбере и намената на самата покана.
Самата златна покана нема многу текст, но има линк и QR код кој води до страна која зборува некаков тип на церемонија…
Миа Костова, Милена Танаскоска, Луна Бејков, Викторија Лоба, Стефани Цветанова, се некои од личностите од светот на модата, музиката и социјалниот живот кој добија златни покани во пресрет на настанот кој ќе се одржи наскоро.
Мистерии има многу, но одговорот е еден, а се чини дека овие златни покани многу внимателно истиот го кријат. Со цел да стигнме до финалниот одговор кој го заслужуваат сите, будно ќе ги следиме следните траги кои би можеле да откријат каде не водат златните покани.
Нема коментари