Stylist

H&M ја претставува колекцијата креирана во соработка со дизајнерката Стела Мекартни

stylist — Fri, 17 Apr 2026 11:35:45 +0000

H&M со гордост ги открива сите изгледи во претстојната колекција на Stella McCartney H&M. Колекцијата ќе биде лансирана на 7 мај, околу дваесет години по првото партнерство на H&M со реномираната дизајнерка и активистка. Првото партнерство на Stella McCartney H&M – втората дизајнерска соработка на H&M – започна во ноември 2005 година. Оваа нова колекција на Stella McCartney H&M се темели на тоа наследство. Таа ги одразува најважните моменти од 25-годишната историја на куќата, вметнувајќи ја пионерската визија и кршење правила на McCartney во низа облека и додатоци. Колекцијата ги обединува минатото и сегашноста, комбинирајќи ги саканите сегашни потписи, како што се преголеми кошули, широки ровови и остар крој, со разиграни легендарни хитови од раната архива на Мекартни, вклучувајќи украсени принтови и блузи со слогани. -Ја гледам оваа колекција како патување низ мојата модна историја. Таа е вистинска мешавина од актуелни класици и некои од моите стари омилени дизајни кои ги прикажуваат моите први обиди за влез во модата и развојот на моите потписи. Разиграна е, силна, блескава, радосна, рафинирана- изјави Стела Мекартни. Други клучни парчиња во колекцијата вклучуваат ребрести плетени фустани и блузи со препознатливото ланче Фалабела на Мекартни на вратот, како и долг бел фустан со ракав како ...

The post H&M ја претставува колекцијата креирана во соработка со дизајнерката Стела Мекартни appeared first on Stylist.

Sakura Festival: Kултурно-едукативен настан инспириран од јапонската традиција ќе се одржи во Скопје

stylist — Fri, 17 Apr 2026 09:45:38 +0000

На 18 април 2026 година, во Парк „Авионче“, ќе се одржи Sakura Festival, културно-едукативен настан кој има за цел да ја доближи јапонската традиција, уметност и филозофија до локалната публика преку внимателно осмислена програма. Настанот ќе се реализира во периодот од 12:00 до 15:00 часот и претставува синергија на едукативни, културни и забавни содржини, наменети за широка публика, вклучувајќи семејства, млади и љубители на интернационални култури. Програмата на фестивалот опфаќа: • Музички дел со настап на DJ • Едукативна работилница „Играме И-ГО“ со професор Јошио Којама, насочена кон промоција на стратегиското размислување преку традиционалната јапонска игра • Презентација на јапонски боречки вештини, со акцент на дисциплина, техника и културно наследство Sakura Festival има за цел да поттикне културна размена, едукација и социјална интеракција, притоа создавајќи уникатно искуство инспирирано од симболиката на сакура – цвет кој во јапонската култура претставува убавина, обновување и хармонија. Настанот е поддржан од Општина Аеродром и е отворен за јавноста и се очекува да придонесе кон збогатување на културната понуда во градот, како и кон зајакнување на интересот за интернационални културни содржини.

The post Sakura Festival: Kултурно-едукативен настан инспириран од јапонската традиција ќе се одржи во Скопје appeared first on Stylist.

Отворањето на 54. Мајски оперски вечери распродадено за рекордни 30 минути!

stylist — Fri, 17 Apr 2026 09:39:22 +0000

Билетите за отворањето на 54. издание на Мајските оперски вечери, кое ќе се одржи на 9 мај, 2026 година се распродадоа за само 30 минути, потврдувајќи го огромниот интерес и најавувајќи издание што веќе се смета за едно од најважните досега. Со рекордна брзина и огромен интерес од публиката, билетите за отворањето на 54.Мајски оперски вечери се распродадоа за само 30 минути. Овој резултат уште еднаш ја потврдува позицијата на фестивалот како еден од најзначајните културни настани во земјата и регионот. Но, ова е само почеток. Овогодишното издание носи репертоар што ја поврзува традицијата со современата уметничка визија. Од драматичната моќ на „Риголето“, преку интензитетот на „Тоска“, до длабоката емоција на „Мадам Батерфлај“, потоа елеганцијата и трагедијата во „Травијата“, и завршувајќи со спектакуларното финале „Набуко“, секоја вечер е дел од внимателно креирана приказна што ќе го заокружи месец мај. Публиката веќе покажа дека знае да препознае квалитет.Брзата распродажба на отворањето е јасен сигнал дека интересот за останатите претстави ќе продолжи со исто темпо. Организаторите упатуваат повик до љубителите на уметноста, да не чекаат. Затоа што Мајските оперски вечери не се само настан, туку искуство што се мора да се доживее и што се памети. Погледнете го комплетниот репертоар и обезбедете ...

The post Отворањето на 54. Мајски оперски вечери распродадено за рекордни 30 минути! appeared first on Stylist.

Македонскиот модел Сара Стои за престижниот магазин Numero Switzerland

stylist — Wed, 01 Apr 2026 09:55:02 +0000

Во новиот број на престижниот моден магазин Numero Switzerland е ангажирана една од нашите најпознати манекенки Сара Стојчевска, позната како Сара Стои. Во фантастичниот едиторијал каде се промовираат најновите парчиња на модните куќи и дизајнери како Max Mara, Dior, Vintage Chanel, Michael Kors нашата убавица зрачи со гламур и бескрајна софистицираност. Специјално за овој моден едиторијал беа селектирани парчиња од неколку колекции на накитот Swarovski. -Сара веќе неколку години работи во светскиот моделинг, а најголемиот пробив го направи кога се појави на ревиите за Dolce & Gabanna, Laura Biagotti и Rocco Barocco . Сара Стои е наше богатство и наша гордост, нејзините успеси се наша потврда дека македонските модели припаѓаат на светската модна сцена – велат од Моделс ИН Менаџмент, нејзината матична агенција од Скопје.

The post Македонскиот модел Сара Стои за престижниот магазин Numero Switzerland appeared first on Stylist.

Bitola Whisky Fest: Битола како сцена, вискито како причина

stylist — Tue, 31 Mar 2026 14:35:22 +0000

На 4 април, во Офицерскиот дом во Битола, за првпат ќе се одржи Bitola Whisky Fest, настан кој ја носи концепцијата на современите lifestyle фестивали надвор од Скопје. Зад организацијата стои Bottega Eventi, тимот кој во изминатите години се позиционираше со истиот проект кој е веќе традиционален во Скопје, како и проекти како што е Gin Lane Festival, со цел да се третира културата на пијалоците како дел од пошироко искуство. Bitola Whisky Fest е замислен како настан што го надминува класичниот формат на дегустација. Во фокусот не е само селекцијата на виски брендови, туку и амбиентот во кој тие се претставуваат. -Настаните за пијалоци ги учевме низ процесот. Денес ги гледаме како културен медиум преку кој се создава атмосфера – велат од Bottega Eventi. Изборот на Битола не е случаен. Градот со својата културна традиција, урбана естетика и препознатлив боемски карактер се наметнува како природен контекст за ваков тип на настан. -Кога посакавме да го пренесеме Whisky Fest надвор од Скопје, Битола беше првиот избор. Поради вредностите што ги дели со самата виски култура…елеганција, романтика и градски дух -додаваат организаторите. Во текот на вечерта, посетителите ќе имаат можност да дегустираат внимателно избрана понуда на виски, да следат музичка програма ...

The post Bitola Whisky Fest: Битола како сцена, вискито како причина appeared first on Stylist.

Преглед на модните ревии и пропратните настани на 32. Моден викенд Скопје

stylist — Mon, 30 Mar 2026 10:06:30 +0000

Со ревијата на нашата дизајнерка Олгица Ѓоргиева вчеравечер заврши 32. издание на Моден викенд Скопје. Од првата вечер посветена на кинеската мода, преку повеќето модни ревии, Моден викенд се осврна и на нордиско-балтичката приказна и дизајнерските резиденции, изложбите, јавните разговори и презентациите, иницијативите како Mission for Water и регионалните соработки со сцени од Балканот. Направивме преглед на ревиите одржани на FWSK и на пропратните случувања кои го заокружија ова издание на Моден викенд подджан од UNIBank. Колекцијата „Metamorfosis“ на Олгица Ѓоргиева, поддржана од Nera Caffe, е инспирирана од личната трансформација и симболиката на пеперутката, колекцијата се развива низ минималистички силуети, рачна изработка и прецизно обликувани детали. Природните тонови внесуваат стабилност, додека суптилниот леопард принт се појавува како знак на инстинкт и самодоверба, дискретно, но присутен. Роберт Ивановски, со поддршка на Винарија Душа, претстави колекција што носи авторитет без да инсистира на него. Силуетите се понагласени, формите посигурни, а целината изведена со конзистентност што ретко се гледа без компромис. Колекцијата „Season IV“ на GEORGIYA се движеше низ чисти, издолжени линии и внимателно редуцирана палета, каде што секој елемент има своја функција. Терзија, со поддршка на ZIA Jewelry и Душа Винарија, се претстави со прецизната и дисциплинирана колекција „Вртлог“, која несомнено ќе ...

The post Преглед на модните ревии и пропратните настани на 32. Моден викенд Скопје appeared first on Stylist.

Првиот ден на Моден викенд во знакот на кинеската мода и 3D и AI изложба

stylist — Sat, 28 Mar 2026 09:50:27 +0000

Првиот ден на 32-то издание на Моден викенд Скопје (Fashion Weekend Skopje) powered by UniBank, кој се одржува во Diamond Mall, беше во знакот на кинеската мода преку презентацијата и ревијалниот приказ на три кинески модни и дизајнери на накит, потоа изложбата Изложбата „3D & AI во модата и инсталацијата „Луминисцентни силуети“. „CHINA NIGHT“: ПРЕЦИЗНОСТ И КОНТИНУИТЕТ Првиот сегмент, „China Night“, реализиран со поддршка на Амбасадата на Народна Република Кина, не се задржа на нивото на презентација. По обраќањето на амбасадорката Jiang Xiaoyan, програмата продолжи со јасно структурирана ревијална целина, каде секој автор имаше свој прецизен израз. Zhou Jin работеше со дисциплина и контрола на формата, додека во рамките на ревијата беше претставен и накитот на Chen Ziyue. Gong Hangyu внесе динамика и современа интерпретација, а Jiang Xiaoxi понуди порафиниран, речиси архитектонски пристап кон силуетата. Заедничко за сите беше отсуството на потреба од дополнително објаснување. Колекциите не ја раскажуваа културата — тие функционираа од неа, природно и органски. Во истиот културен контекст, значајно место имаше и изложбата „Qing Dynasty Mamian Skirt & Costume Exhibition“, која внесе историска димензија и овозможи директен дијалог помеѓу традиционалното наследство и современите модни интерпретации. Презентацијата на накитот од Chen Ziyue, изложбата со традиционални силуети, како ...

The post Првиот ден на Моден викенд во знакот на кинеската мода и 3D и AI изложба appeared first on Stylist.

ОСКАРИ 2026: Од црвениот килим на доделувањето на филмските награди

stylist — Mon, 16 Mar 2026 13:32:43 +0000

Најисчекуваниот црвен килим е оној на Оскарите, холивудска вечер во која не се вреднуваат само филмските квалитети, туку и модниот избор. На вчерашното доделување на филмските награди во Лос Анџелес, црвениот килим повторно како модна писта на која се мешаат класичен гламур, современ минимализам, личен израз, но и кич стајлизни и претерување во изгледот. Пред самото доделување на златните статуетки, фокусот e на модата на црвениот килим, а таа годинава во знакот на елегантни силуети и чисти линии, но и раскошни тоалети украсени со перја, кристали и светки, доминација на неутрални тонови, но и мала доза на интензивни бои, нагласен струк во креациите, но и флуидни форми. Кај мажите годинава доста интересно и надвор од границите на класичниот костум/ фрак – многу креативни машки комбинации, со акцент на накитот и вчетливите брошеви. View this post on Instagram A post shared by Check The Tag (@checkthetag) View this post on Instagram A post shared by Check The Tag (@checkthetag) View this post on Instagram A post shared by Check The Tag (@checkthetag) View this post on Instagram A post shared by Check The Tag (@checkthetag) View this post on Instagram A post shared by Check The Tag (@checkthetag) View this post ...

The post ОСКАРИ 2026: Од црвениот килим на доделувањето на филмските награди appeared first on Stylist.

ОСКАРИ 2026: Филмот „Една битка по друга“ апсолутен победник, Џеси Бакли и Мајкл Б. Џордан најдобри актери

Катерина Трајановска — Mon, 16 Mar 2026 11:20:30 +0000

Оскарите се сметаат за финалe на сезоната на филмски награди, а на вчерашното доделување филмот на Пол Томас Андерсон, „Една битка по друга“, освои шест златни статуетки. „Грешници“ иако имаше рекордни 16 номинации доби четири Оскари, „Франкенштајн“ три, додека анимираниот филм „K-Pop: Ловци на демони“ освои два. На 98. Оскари, филмот на Андерсон победи во шест категории – за најдобар филм, најдобар режисер (Андерсон), најдобро адаптирано сценарио (Андерсон), најдобар актер во споредна улога (Шон Пен), најдобра монтажа (Енди Јургенсен) и во новата оскаровска категорија – најдобар кастинг (Касандра Кулукундис). Филмот „Грешници“ во режија на Рајан Куглер освои четири Оскари, во категориите за најдобар глумец (Мајкл Б. Џордан), најдобра кинематографија (Отен Дуралд Аркапо), најдобра музика (Лудвиг Герансон) и најдобро оригинално сценарио (Рајан Куглер). „Франкенштајн“ на Гилјермо дел Торо освои три Оскари – најдобра костимографија (Кејт Холи), најдобра шминка и фризура (Мајк Хил, Џордан Самуел и Клиона Фјури) и најдобра продукциска декорација (Тамара Деверел и Шејн Вио). Мајкл Б. Џордан кој глуми двајца браќа близнаци во „Грешници“ го победи Тимоти Шаламе (Marty Supreme) кој се сметаше за фаворит. Шаламе десетина дена пред доделувањето на Оскарите направи еден многу несреќен коментар дека никој повеќе не се интересира за операта и балетот, кој го ...

The post ОСКАРИ 2026: Филмот „Една битка по друга“ апсолутен победник, Џеси Бакли и Мајкл Б. Џордан најдобри актери appeared first on Stylist.

Vivid Echoes: Новата колекција на Росица Мршиќ ја позиционира модата на пресекот меѓу уметноста, архитектурата и одржливиот дизајн

stylist — Mon, 09 Mar 2026 11:46:38 +0000

Новата модна колекција Vivid Echoes на дизајнерката Росица Мршиќ претставува истражување на апстрактниот визуелен јазик како извор за современ, скулптурален моден израз. Инспирирана од делата на Хелен Франкенталер и нејзините експанзивни полиња на боја, колекцијата ја трансформира сликарската апстракција во архитектонски конструирани, носливи силуети. Секое парче функционира како автономен дизајнерски објект, каде дисциплинираната конструкција и графичките линии ја балансираат експресијата на бојата. Преку намерна редукција и комплексна конструктивна обработка, Vivid Echoes создава чисти, минималистички и безвременски форми што ја нагласуваат формата, движењето и материјалот. Занаетчиската изработка е во центарот на колекцијата – од внимателно обликуваните набори до конструктивните шевови и прецизните пропорции. Произведена во ограничени серии и достапна исклучиво по нарачка, колекцијата застапува одговорен и одржлив модел на производство. Со Vivid Echoes, Росица Мршиќ ја третира модата како културен артефакт – простор за интелектуална рефлексија, трајна вредност и смислено создавање, спротивставено на брзината и прекумерноста на современата модна индустрија. View this post on Instagram A post shared by Kare Macedonia (@karemacedonia) Колекцијата е промовирана преку оваа фотосесија, но и со настан што се одржа минатата недела во концепт просторот – салонот на KARЕ, каде што се изложени колекциите на дизајнерката. Овој комплетно реновиран простор нуди уникатно и авангардно доживување на ...

The post Vivid Echoes: Новата колекција на Росица Мршиќ ја позиционира модата на пресекот меѓу уметноста, архитектурата и одржливиот дизајн appeared first on Stylist.