Познати жени претприемачи, професионалци во областа на менаџерството, новинарството, психологијата, корпоративните комуникации, социјално претприемништво, театар и модата учествуваа на еднодневниот интерактивен форум Biz Triple Talks што вчера се одржа во „Форца“, Скопје. Целта на настанот во организација на Honeybizz и Triple S беше да поттикне свесност и да креира конструктивен и интерактивен дијалог за работи поврзани со економскиот и социјалниот развој во општеството.
Посетителите на настанот можеа да го пробаат и набават накиот на Oxette
Неколку стотина жени можеа да слушнат интересни предавања, лични искуства на повеќе теми: бизнис, иновации и претприемништво. Интерес предизвика и модната програма, која опфати модна ревија на етаблираната креаторка Олгица Ѓоргиева, работилница на тимот на Stylist.mk, како и мини-изложба на накит на Илина Поповска, Oxette и креативната Надица.
Ана Несторовска и Катерина Трајановска зборуваа на тема „Моќта на правилниот деловен дрес-код“
Уредничките на Stylist.mk, Катерина Трајановска и Ана Несторовска зборуваа на тема „Моќта на правилниот деловен дрес-код“. Работилницата опфати повеќе сегменти: важноста на изборот на облека, шминка и на фризура во бизнис-сферата, како се гради деловен имиџ, најчести грешки во изборот на креации за во канцеларија. Беа преставени повеќе примери и совети како да се избегнат грешките и како да се подобри имиџот на работното место.
Ревијата на Олгица Ѓоргиева беше со продажно-хуман карактер , поддржана од Inner Wheel Club of Skopje, во соработка со „Борка – за секој нов ден“. Таа престави микс од неколку свои досегашни колекции, со доминација на најновата, за есен-зима 2014. Направила спој на бизнис-парчиња и на посвечени креации што може да се носат на гала-приеми и коктели. Покрај ревијата таа беше задолжена и за изработка на брошевите со портокалови цветови- симболи на глобалната кампања „#16дена активизам – да ставиме крај на насилството врз жените и девојчињата – сега“, што е актуелна и кај нас од 25 ноември до 10 декември.
Фото: Stylist.mk
Олгица Ѓоргиева ги изработи брошевите со портокалови цветови
Уникатните парчиња на „Надица накит“ беа изложени во „Форца“
Љупка Наумовска од Honeybizz
Од ревијата на Олгица Ѓоргиева
Нема коментари