Отако во 2015 година ја презеде улогата на креативен директор во „Гучи“, Алесандро Микеле ја смени естетиката на италијанската модна куќа, воведе повисок степен на женственост, повеќеслојност, раскош од принтови и бои, а во слично алхемичарско расположение дизајнерот ја креира и новата колекција за есен-зима 2017/18. Прикажа вчера во Милано, во Gucci Hub низ стаклен ходник кој дизајнерот го нарекува „Алхемичарка градина: анти-модерна лаборавотија“, колекцијата ѝовозможи на публиката да прошета низ градина на симболички, земски задоволаства. Микеле во својот препознатлив еклектичен стил прикажа микс на културни кодови од различни периоди преку смели цветни дезени, принтови на пеперутки, бубачки и употреба на стариот египетски симбол ауроборос. Тој претстави и машки и женски креации, некои од нив во унисекс-манир, а манекените носеа креации со референци на 70-тите години од минатиот век, декоративен рококо-стил, антички Исток, ренесанса и викторијанска Англија, логоманијата од 90-тите, навраќање на Јужна Америка и холандски слики на мртва природа. Во колекцијата има везени наметки, капути со принт на питон, фустани со карнери, макси здолништа, шарени костуми, необични комбинации на чанти и светкави ткаени. На дел од креациите Микеле соработуваше со фотографот и графити артист Coco Capitán.
На ревијата на „Гучи“ беа Салма Хајек и сопругот Франсоа-Анри Пино, Шарлот Казираги од Монако и пејачката Флоренс Велч
Иронична интерпретација на познатата маичка
Необични модни детали и дворедни чанти
Алесандро Микеле испрати порака дека и машката мода може да биде возбудлива колку и женската
Нема коментари