Легендарната Коко Шанел велеше дека црната боја има сè, а нејзината убавина е апсолутна. Мора да се согласиме со дизајнерката која своевремено ни го подари малиот црн фустан, врв на елеганција и ултимативно парче во женската гардероба. Црната облека не признава сезони и трендови, таа е разновидна и одговара на сечиј стил и пригода. Да се потсетиме на најважните предности на облекувањето во црна боја и на неколку впечатливи креации од зимските колекции направен во токму во овој тон.
1.Оваа боја одговара секому
Без разлика на возраста, тенот на кожата или бојата на очите и косате, црната боја секому му одговара.
2. Црната ве прави послаби
Го „сокрива“ вишокот на масти околу стомакот, колковите и задникот, создава сенка на некои делови од облеката и ја „измазнува“ силуетата. Но, не се опуштајте и избегнувајте припиени форми и стречливи материјали, постојат некои работи што ни црната не може да ги сокрие.
Раскошен фустан со пердуви и светкави камчиња во комбинација на свилен капут од колекцијата на Dsquared 2
3.Црната проектира зрелост
Црно здолниште со рамен крој, црна ролка и црн мантил – со само неколку парчиња во црна боја може да создадете моќна комбинација што влева чувство на сериозност и успешност.
4.Црната никогаш не изгледа евтино
Освен кога модните парчиња се направени од крајно неквалитетни материјали.
5.Црната одлично се комбинира со сите други бои
Компактибилна е со сите бои и тонови, без разлика дали се работи за пастелни, земјени нијанси, интензивни бои или црно-бела комбинација. Апсолутен хит за новогодишен изглед? Црн фустан со металик-тонови.
Спој на црна боја со металик-елементи во креацијата на Роберто Кавали
6.Оваа боја е независна од сезонското облекување
Црната може се носи само во зима!? Погрешно! Сфатете дека облеката од лесни и природни ткаенини како свила и памук може да ја носите и на високи температури.
7.Црната е совршен партнер на слоевитото облекување
Комбинирајте неколку црни парчиња со различни текстури и материјали со што аутфитот ќе добие на длабочина и структура.
Наместо црн фустан облечете кожени панталони и смокинг по примерот на Каролина Куркова
8.Црната облека е практична
Малку е тривијална оваа причина, ама дамките од кафе или сендвич помалку се познаваат на црна облека.
9.Ова е боја што „бара“ модни додатоци
Ѓердани, белегзии и брошеви од злато, сребро или пак бакар, многу добро ќе се вклопат со црн фустан или елегантен комбинезон. Исто така, благодарение на Коко Шанел, научивме дека бисерите одлично одговараат со црната облека. Најзаводлива комбинација можеби е црната облека во микс со дијаманти!
10.Црната е разновидна
Префинети кроеви, секси изрези, транспарентни инсерти, апликации од тантела и екстравагантни детали, црната облека трпи разновидни перформанси во однос на кројот, употребата на материјалите и формите.
Ели Саб
Ланвин
Прада
Клое
Валентино
Диор
Нема коментари