Иновативниот дизајнер Хусеин Чалајан ќе креира деми-котур колекција за славната париска модна куќа востановена пред 101 година од страна на Мадлен Вионе, а денес во сопственост на Гога Ашкенази. Британскиот дизајнер роден во турскиот дел од Кипар, дипломираше на престижната лондонска школа Сент Мартинс и во 90-тите важеше за еден од најавангардните модни креативци и за голем мислител во дизајнот.
Дизајнерот ќе даде свој придонес во возобновувањето на модната куќа на Мадлен Вионе
Дизајнерот Чалајан сега влегува во нова фаза од своето творештво и ќе креира колекција која е на половина пат меѓу претапорте и висока мода. Модната куќа „Вионе“ прва ваква колекција претsатви пред една година во рамките на Париската недела на висока мода, а се работи за модни парчиња што се изrаботуваат со слични техники како и за оние со предзнакот висока мода, но сепак имаат пристапна цена што овозможува подобра продажба и поширок пазар.
Дел од иновативните креации на Чалајан
-Чалајан е еден од најкреативните и најпровокативните дизајнери во модата денес, тој сигурно многу ќе придонесе во „Вионе“ – изјави Ашкенази која фигурира и како креативен директор на брендот. Колекцијата ќе биде прикажана кон крајот на јануари во Париз.
Од ревија на „Вионе“ за пролет 2013
Нема коментари