Младата Ивана Караџова избрана на кастинг на модели што во јуни се одржа во Скопје во организацијата на модната агенција „Моделс ИН“ и белградската Model Scouting Office е девојката што ќе не претставува на престижниот избор the Look of the Year. На кастингот учество зедоа 14 девојки, а Ивана оди на изборот за кој лиценцата ја има Јелена Ивановиќ, манекенка која во 90-тите оствари успешна кариера на светско ниво и сега е сопственичката на Model Scouting Office.
-На кастингот во Скопје дојдоа букери и скаути од Белград за да ги селектираат девојките, и воедно да го направат вистинскиот избор за „Лице на годината“ од Македонија. Победничка за оваа година е младата убавица Ивана Караџова од Скопје, која веќе се подготвува да не претставува на светскиот избор кој ќе се одржи во октомври во Таормина, на Сицилија. Младата Ивана е лице кое зрачи со ренесансна убавина и го поседува оној фактор X кој е задолжителен помеѓу новите модели. Мислам дека го имаме вистинското лице од Македонија – изјави Јелена во разговор со првите луѓе на „Моделс ИН“.
Од агенцијата ни открија дека уште три други девојки заминуваат за Белград во септември, со кои агенцијата Model Scouting Office сака да склучи договор и да ги застапува во светски рамки.
Новото лице Ивана Караџова е средношколка и долги години професионално се занимава со одбојка, а воедно две години е дел од модната агенција „Моделс ИН“.
-Навистина оваа година сме презадоволни од девојките и до самиот крај не бев сигурен која ќе биде лицето за Look of the Year 2016 за Македонија. Ова е огромна шанса за Ивана, на светскиот избор има модни агенти и скаути од цел свет каде и постојат големи шанси да го препознаат нејзиниот потенцијал и да биде експресно букирана. На Ивана ѝ претстојуваат подготовките, а ние секако ќе ѝ бидеме најголемата поддршка – вели Алек Наумовски од „Моделс ИН“.
Нема коментари