Уникатните, рачно изработени ранци, чанти, сандали и други модни додатоци од дизајнерката Катерина Микрут утре (5 април) со почеток во 20 часот ќе бидат изложени под називот Exploring industrial: Bags, shoes, accessories во Public room.
Микрут – дизајнерка која пред неколку години ја создаде етикетата Mikka design до нејзиното неформално образовање дошла преку работата и упорно создавање. Зад неа има неколку колекции како од облека, така и од додатоците и накит, презентирани досега на модните настани во Скопје и Битола. Главните инспирации се самите материјали, нивните комбинации, експериментирање со нив, пренаменување, реупотреба, рачни техники на изработка – пред сè плетењето.
-Најновата линија ја сочинуваат чанти и сандали како и други модни додатоци. Во последно време главна тема на интерес ми е индустриал момент, кој што сепак има во позадина природа. Така и во креациите индустриски материјал на кој не му е мода како главна примена, пренасочен, се појавува покрај природните материјали. Креации ги создавам врз основа на диалог со материјалот – материјалите преку работа со нив ги кажуваат своите својства- се ресам или не, се преклопувам се виткам се врзувам се лепам држам форма, се тегнам сам не ме бива но искористи ја мојата транспарентност во комбинација со нешто друго…пробај да ме сплетеш. Делото се создава во тек на овој диалог и многу ретко неговата финална форма е одлучена пред да почнам со работа. Во нејзините креации одбира форми кои го поддржуваат експериментирањето, пред се геометриски а минимализам на формите е збогатен со експресија на рачни доработки. Овој начин на креација бара постојана посветеност во посматрање на околината и предмети околу нас-вели Катерина која родум е од Полска.
Ова е прва колекција на чевли на Микрут, кога три години работепе на поправки и ументнички редизајн на обувки.
-Сега доѓа време на новите. Во чевларските креации размислувам пред сè на склоп помеѓу функционалноста и карактеристички црти од мојот дизајн – геометриски форми и експериментални комбинации на материјали, присуствио на традиционални техники во модерна изведба. Чевлите се вистински предизвик во кој сакам да продолжам-вели таа. (А.Н.)
Нема коментари