Симболот на луксузната француска мода Жан Пол Готје после педесет години во дизајнерска кариера се збогува од модната писта
Познатиот француски моден кратор вчера за последен пат претстави колекција на висока мода. Откако пред неколку сезони се повлече од претапорте ревиите, сега веќе нема да прави haute couture ревии и уште пред неколку дена најави дека вчерашната ревија со која слави 50 гоодини кариера ќе биде последна. Но, сепак вели дека во високата мода ќе подолжи со нов концепт, ќе остане во модата „на некој начин“, па во исчекување сме да дознаеме што тоа ќе значи.
А вчерашната ревија во парискиот театар Théâtre du Châtelet – спектакл! Музички настап на оркестар и Бој Џорџ, Парис Џексон прв пат на модната писта. Како модели се појави и Дита вон Тис, актерката Рози де Палма и други пријатели на дизајнерот, и секако манекенки од различни генерации како Ирина Шајк, Џиџи Хадид и Карли Клос, Карен Елсон и Естел Лефебр. Ревијата почна со „лажен погреб“, симболично илустрирајќи го последното појавување на дизајнерот на модната писта. Потоа продолжи со шоу со многу манекени и изведувачи, кои нè потсетија на препознатливи модни кодови на Готје креирани цели пет децении.
Нема коментари