Периодов поголем дел од времето сме дома и носиме удобна облека (можеби и пижами), но има моменти кога треба да илеземе барем до продавница. Колку е опасно после тоа да не се пресобечете во чиста облека?
Колку време коронавирусот преживува на облеката?
Сè уште нема јасен одговор на ова прашање. Добро е познато дека вирусот кој предизвикува Ковид-19, на цврстите површини, како метални површини или пластика, може да се задржи неколку дена, а кога станува збор за различни видови ткаенини, се знае само дека преживува пократко. Колку – не се знае точно.
Дали е потребно да се мијат работите веднаш по враќањето во куќата?
Засега – освен ако некој не кивне на вас или се искашла врз вашата облека, не е потребно кога ќе се вратите дома, од врата веднаш наш да ја ставите облеката во машина за перење. Советот е да се придржувате до вообичаената постапка за перење.
Она што почесто треба да го перете (или барем луфтирате на тераса) се работите што обично поретко ги перете – капи, шалови, јакни, палта, ракавици. Ако вашата работа е таква што во услови на вонредна состојба спаѓате во оние кои се повеќе изложени на надворешниот свет, тогаш дополнителни мерки на претпазливост не се на одмет. Во тој случај, добро е најпрво кога ќе дојдете дома да се пресоблечете во чиста облека, а онаа што сете ја носеле надвор да ја ставите за перење. Исто така, запомнете дека ако на облеката има цврсти делови, како на пример метални копчиња, тие треба даа се дезинфицираат.
Кој детергент е најдобро да се користи?
Вирусот не е отпорен на детергентите и сапуните што нормално ги користите, сепак, она што со сигурност го уништува се средствата за перење кои во составот имаат белило.
Што да направите во случај да имате контакт со некој за кој постои сомневање дека е заразен со вирус?
Добро е познато дека сите што доаѓаат во контакт со заразените лица мора да бидат правилно заштитени – маски, ракавици, облека, коса, заштита на лицето. Ова се однесува главно за здравствени работници.
Она што треба да го правите е да го одржувате пропишаното растојание од друите луѓе секогаш кога ќе излезете од која било причина. Потоа, не ја тресете облеката додека ја отстранувате, бидејќи тоа исто така ќе ги ослободи вирусите. Користете ја најжешката вода за перење (се претпоставува дека ако ја перете облеката на 30 степени, нема да го уништите вирусот), но сепак внимавајте и на предложената температура истакната а етикетата од страна на производителот.
Овој период препорачливо е почесто да ги менувате крпите за бришење лице и раце, како и постелата за спиење, особено навлаките за перница.
Нема коментари