Неколку месеци по смртта на нејзиниот сопруг и менаџер, поп-дивата Селин Дион, достоинствено и со многу стил, ова лето се враќа во јавниот живот. Четириесет и осумгодишната Канаѓанка, која е позната по беспрекорните вокални способности, досега не била асоцијација за мода и стил. Затоа модните медиуми и критичарите се видно (позитивно) изненадени и прашуваат „дали е ова истата Селин?“, прогласувајќи ја (иако е јули) за најдобро облечената позната личност во 2016 година.
Во црна шик комбинација од Dior
Нејзината кревка, но грациозна појава и срдечната насмевка (која ѝ е заштитен знак), сега се надополнети со вкусно избрани дизајнерски парчиња. Деновиве често се појавуваше во јавноста како гостинка на Неделата на висока мода во Париз, каде што изгледаше како права модерна аристократка. Ја видовме во елеганта варијанта, со класични минималистички, но модерни кроеви: фустани во А-форма, како и костум со машки крој. Одушеви и со раскошните долги фустани, како тој на доделувањето на музичките награди на „Билборд“. А покажа дека има младешки дух носејќи кежуал парчиња, фармерки, мантил и бомбер јакна. Стаjлингот задолжително го заокружува со впечатливи чевли и чанти од Céline. Во продолжение се дел од најдобрите комбинации на Дион изминатиов период.
Во тиркизна креација од Gucci
Во сив костум од Balmain , чизми од Le Sillaи шапка од Ugo Mozie
Дизајн на Giambattista Valli
Мантил и чанта од Fendi
Во жолт фустан од Balenciaga dress и црна чанта од Givenchy
Крем-златинест костум и чанта од Céline
Во стилот на 70-тите долг кафен мантил, фармерки големи очила и марама од, Chloé, како и задолжителната чаната од Celine, овој пат во бела боја
Успеа сред лето да износи со стил кожена ролка капути карирани панталони,
Покажа дека добро и стои и војничкиот стил-, комбинезон во маслинесто зелена боја, кожена јакна и впечатливи чизми до глужд
Во треновски долг елек-мантил, џинс и бела маичка
Жолт минималистички мантил од Jil Sander и црни чизми со отворени прсти од Gianvito Rossi
Мал црн фустан со потпис на Saint Laurent
На доделувањето на наградите на „Билборд“ блесна во златен фустан од Valentin Yudashkin комбиниран со чевли од Saint Laurent
Нема коментари