На иницијатива на првата дама Елизабета Ѓоргиевска и во организација на кабинетот на претстедателот на СРМ, вечавечер на платото на претстедателска Вила Водно се одржа настанот „Три генерации македонска мода – пренесување на знаење“, кој претстави поврзување на основополoжниците на македонската мода и новите генерации модни дизајнери. Настанот се одржа во соработка со Институтот за дизајн и инженеринг на облека при Технолошко-металуршкиот факултет при УКИМ и професорката Лидија Георгиева. Професорката и дизајнерка Георгиева после повеќегодишна успешна кариара во Париз, последниве години неуморно едуцира нови млади модни таленти и пренесува искуства и знаење.
Сопругата на претстедателот Елизабета Ѓоргиевска зборуваше за соработката со ТМФ и соработката која почнала со отворањето на МладиХаб во канцеларијата на претседателот како платформа за поттикнување млади таленти и се потсети на изложбата на модни креации на студентите по моден дизајн од овој факултет.
Идејата на овој настан беше да се поддржат новите генерации, но истовремено да се даде почит на кои ја креираа македонската мода во почетоците и на кои делуваат во моментов.
-Преку промоција на младите дизајнери, да го поддржиме развојот и унапредувањето на македонскиот дизајн, а преку него заштитата на културното наследство и воедно промоција на текстилната индустрија, која има важен удел во развојот на економијата во земјава. Неопходно е да се стави акцент на еколошкиот момент во дизајнот и грижата за животната средина преку креации од рециклиран материјал – вели Ѓоргиевска.
Професорката Лидија Георгиева зборуваше за нејзините почетоци и интересот за мода и за студиите по моден дизајн во Париз каде што заминува како стипендист на поранешната држава и во светскиот град на модата дипломира и гради успешна светска кариера. Знаејќи колку е важна добрата едукација, како темел за понатамошно творење, таа ја нагласи потребата да се вложува во квалитетно образование, и денеска од позизиција на универзитетски професор, таа веќе осум годни тоа го реализира и пренесува на своите студенти.
Ако работата на Георгиева е сконцентрирана на сегашноста, за она што се случувало во минатото сведочеше професорката во пензија и костимографка Зорица Тодорова –Младеновиќ, која исто така студирала во Париз. Таа нè потсети на нејзината повеќедецениска работа, почетоците во 60-тите во тогашните домашни текстилни фабрики, нејзините ревии и последното ревиско претставување во 90-тите, како ги сфаќа модата и професијата моден креатор, а периодов е актуелна со книгата „Како да станам моден дизајнер“.
А за иднината и од името на авторите кои се перспективата на македонската мода се обратија апсолвентките по моден дизајн на ТМФ и студентки на Георгиева, Љубица Беќарова и Катерина Димитровска, кои споделија свои искуства.
Вчерашниот настан беше поврзување на различни генерации модни креатори и разменувања искуства пред вубениците во модата, размена на идеи за промовирање на вредностите и поттикнување развој на комплетнаа сцена. „Интересот за дизајн и креативни индустрии кај нас и во светот е во подем“, смета дизајнерката Георгиева и според неа целта на ваквите средби и презентации е да мотивираат идните креативци, а и оние кои веќе се определени.
Нема коментари