По маратонот од модни недели во големите светски центи (Њујорк, Лондон, Милано и Париз) модните случувања доаѓаат на Балканот. Почнувајќи од денеска до првата недела на април во Загреб, Белград и Скопје ќе се одржат модни недели. Од вечерва до 29 март ќе трае модната недела во Загреб, Perwoll Fashion.hr. Од 28 март до 4 април, пак, во фокусот ќе биде Белград со Perwoll Fashion Week. Скопје ќе ги погледне новите модни предвидувања и колекциите на нашите дизајнери на Модниот викенд од 1 до 6 април.
Вечерва во Загрепскиот велесаем ќе почне 16. издание на Perwoll Fashion.hr. Модната недела ќе почне со ревијата на Александра Дојчиновиќ, а своите нови колекции ќе ги претстават и Бранка Донаси, Ивица Скоко, eNVy room, IK studio, Мартина Феља, Ана Марија Рицов, „Марина дизајн“, Александар Жаревац, 2B Boris Banović, BiteMyStyle на Зоран Араговиќ и Морана Крклец. Четирите модни дена во хрватската престолнина ќе ги заокружи Роберт Север со авторската колекција инспирирана од брендот за нега Dove. Младите дизaјнерски сили ќе ги претстават победниците на ланскиот натрпревар LIFT by Perwoll: Марија Кулушиќ и Силвио Ивковиќ. Гостин од регионот ќе биде срспкиот креатор Михано Момоса, кој ќе се промовира во рамките на програмата ZONA 45.
Во белгрaдскиот коцептуален простот „Супермаркет“ вчера се одржа изложба на здружението BFW Design Collective, со кој беше најавено 35. издание на Perwoll Fashion Week во Србија. Пролетната модната недела в петок ќе ја отвори дизајнерот Бата Спасојевиќ со ревија во „Белекспоцентарот“, а следува презентацијата на бредот Ugg. Оваа сезона на програмата се ревиите на Ана Љубинковиќ, Наташа Шариќ, Милица Опачиќ… Ќе бидат ореставени и модели од познатите светски брендови „Барбери“, „Армани“,Salvatore Feragamo… Екслузивно шоу на 2 април ќе има индискиот дизајнер Маниш Арора, а се најавуваи презентација на популарниот балкански креатор Ѓорѓе Тамбуриќ, кој твори под името Џорџ Стајлер.
Џорџ Стајлер ќе одржи ревија во Белград
Деветтото издание на Модниот викенд-Скопjе ќе се одржи од 1 до 6 април на неколку локации во Скопjе. Сезоната пролет-лето 2014 по втор пат ќе ja отвори првоаприлски моден маскенбал во клубот „Станица 26″ како наjава за многу мода и забава кои ќе го исполнат шестдневното случување. Најавени се ревии на 20-тина млади и веќе етаблирани креатори и модни куќи. (А.Н.)
Нема коментари