Осумдесет годишната писталка и есеистка Џоан Дидион се појавува во новата рекламна кампања на модниот бренд „Селин“, а неполни 48 часа по откривањето на фотографиите, кампањата доби статус на една од најоригиналните за сезоната која докажува дека стилот не признава возраст. На интернет се појавија бројни позитивни реакции за нејзиниот смел ангажман, а Дидион е навистина ултимативна „Селин“ жена – и на оваа возраст е крајно кул и инспиративна, и сака минималистичка гардероба. Весникот New York Times ја побара и ја праша дали беше свесна дека ќе предизвика толкава сензација.
-Немам поим. Навистина немав идеја – крајно искулирано им одговори Џоан и откри дека ја прифатила кампањата откако ја контактирале дизајнерката Фиби Фајло и луѓето од брендот „Селин“. За „Селин“ ја фотографираше славниот Јурген Телер, а покрај Дидион се појавуваат француската балерина Мари-Ањес Гило и манекенката Фреја Лоренс. Џоан исто така изјави дека досега не била на ревија на „Селин“, но со задоволство би прифатила покана.
Џоан Дидион важи за една од култните ликови во американската литерура, а во раните 60-ти помина неколку години во американски Vogue како копирајтер и една од уредничките, вработување обезбедено благодарение на наградата за најдобар есеј што ѝ ја додели ova познато списание. Позната е по романите „Белиот албум“ и „Годината на магично размислување“, а со години пишува текстови од областа на литературното новинарство. Инаку, ова не е првпат да се појави во улога на модел, во 1991 година беше дел од кампањата на Gap заедно со супермоделката Дарија Вербови.
Нема коментари