Џон Галијано на ревија на висока мода за „Диор“ во 2007 година
Џон Галијано се приклучи на куќата Maison Martin Margiela како креативен директор на artisanal модната линија. Ова информација денес ја објави Ренцо Роса од Diesel, италијанскиот претприемач кој е сопственик на модната куќа основана од енигматичниот белгиски дизајнер Мартин Марџела, и најави дека првата ревија ќе се одржи за време на претставувањето на колекциите на висока мода во јануари следната година. Линијата на брендот наречена artisanal (во буквална смисла занаетчиска), порано дизајнирана од страна на Метју Блејзи, е најблиското нешто до колекциите на висока мода. Без сомнение Галијано во куќата на Марџела ќе ја донесе мудроста и искуството што го стекна како креативен директор во „Диор“, каде што дизајнираше 15 години.
Од ревија на Maison Martin Margiela (2013)
Со назначувањето од страна на Росо завршува тригодишната пауза на Галијано од дизајнирање, односно отакако доби отказ од „Диор“ поради неговите антисемитски и расистички испади во едно париско кафуле во 2011 година. По „Диор“ имапе неколку ангажмани кај Оскар де ла Рента и во руската компанија за козметика L’Etoile, но назначувањето на креативен директор кај Мартин Марџела е неговата прва поголема задача по подолго време. Со ова еден од најекстравагантните и талентирани дизајнери добива втора шанса во модната куќа препознатлива по визионерскиот и уметничкиот деконструктивен моден израз.
Нема коментари