За времетраењето на Париската модна недела во рамките на шорумот BE NEXT Paris македонската дизајнерка Јована Филиповиќ претстави нова колекција за есен-зима 2015/16. Настанот кој се случува два пати годишно томку за време на модната недела, има за цел да презентира млади, надежни дизајнери од целиот свет пред таканаречените fashion buyers, значајни личности од Париз, VIP луѓе ипретставници од светски познатите магазини.
-Овој тип на претставување е многу битен дел од работата и презентацијата на секој дизајнер, затоа што овозможува директен контакт со купувачите, медиумите, сопствениците на дизајнерските продавници и дава поголеми можности за пласирање на странскиот пазар. Исто така, многу битна е и комуникацијата со останатите дизјанери-учесници, затоа што ти даваат совети како да ја подобриш својата продажба, начинот на изработка… Те советуваат што е тоа на што треба да обратиш внимание при вакви настани. Настани што за жал во Македонија сè уште ги нема - ни рече дизајнерката.
Филиповиќ ни откри дека настанот е организиран од од страна на Sofia Tchkonia, активистка, и позната личност во модниот свет во Париз, која веќе неколку години активно промовира и им помага на младите дизјанери. Има соработувано со многу познати личности од модниот свет меѓу кои Herve Leger,Jean Paul Goude,Rick Owens и Pierre Berge итн. Дизајнерката презентира колекција за наредната сезона есен-зима 2015/16 која е инспирана од архитектурата. Дизајнерката која ја освои наградата на Stylist.mk за најдобра колекција на минатото издание на Моден викенд-Скопје, ни најави дека после Париз колекцијата набргу ќе ја презентира и во Македонија.
1 коментар