Москва како нов моден центар

Од stylist @StylistMKD · На декември 1, 2013

Големата четворка Париз, Милано, Лондон и Њујорк и понатаму важат за светски центри на модата, но модниот пазар се отвори на некои други дестинации, па уште неколку други градови добија значајно место на модната мапа. Московјаните и Русите воопшто никогаш не важеле за модно освестена нација, но во последните две децении се наметнаа како сериозно играчи за местото светски центар на стилот.

Модна недела: последното издание се одржа од 24 до 29 октомври 2013.

Ревија на Грузијката Рија Кебурија на Московската модна недела

Шопинг: Секако дека не смеете да пропуштите легендараниот трговски центар ЦУМ, но вредат да се посетат дизајнерските продавници на улицата Тверскаја (една од најскапите улици во светот), како и луксузниот комплекс Барвиха.

На шопинг по продавниците на улица Тверскаја, поглед на комплексот Барвиха и бутик на Ив Сен Лоран во склоп на ЦУМ

Икони на стилот: Супермоделката Наталија Водијанова, Даша Жукова, како и ѕвездите на уличната мода Мирослава Дума, Елена Перминова, Вика Гажинскаја и Улијана Сергеенко.

Елена, Наталија, Улијана, Вика и Мирослава ги нарекуваат руска модна мафија

Изглед: Повеќе е повеќе! Раскош и луксуз, крзно и скапоцен накит. Московјанките носат и фармерки, ама ги комбинираат со биркин-чанти изработени од најскапи материјали. Вечерно време сакаат да се облечат во фустанаи со металик-ткаенина и да се накитат со луксузен накит.

Од зимската колекција на Долче и Габана

Каде да престојувате: Кога сте во Москва сакате луксузна хотелска дестинација, па нема да згрешите доколку го одберете Park Hyatt. (moscow.park.hyatt.com)

Панорама на Москва од хотелот Парк Хајат

Каде да јадете: Ентериерот на ресторанот Турандот, целиот во огледала и рачно насликани фрески е она што навистина го очекувате од романтичната Москва. (turandotpalace.ru)

Декорот на ресторанот ќе ве понесе во некое дамнешно време

Каде да излезете: Забавата е загарантирана во O2 Lounge, бар на врвот на хотелот Риц Карлтон, сместен во близина на Црвениот плоштад. (ritzcarlton.com)