Модната организација BAFE го објави регионален конкурс за млади модни дизајнери, кој е отворен до 15 септември 2016 година и е наменет за авторите на возраст меѓу 18 и 35 години од земјите на регионот: Босна и Херцеговина, Црна Гора, Хрватска, Македонија, Словенија и Србија. Избраните креативци ќе добијат шанса да ја покажат својата работа на белградската манифестација Balkan Art Fashion Event, која овој ноември ќе се одржи по деветти пат, со цел стручната и пошироката публика да се запознае со работата на младите уметници и да им даде поддршка за унапредување на нивната работа.
Пријавата за BAFE треба да содржи биографија на авторот и скици од модната колекција, како и фотографија на една реализирана модна креација во JPG или PDF формат. Скиците мора да се од колекцијата што ќе биде претставена на следниот BAFE. Апликациите со назнака „За конкурс 2016“ заинтересираните може да ги испратат на следнава адреса: office@bafe.rs.
BAFE во осумте претходни изданија собра речиси сто млади креативци и ги покажа нивните креации и талент во рамките на повеќе од сто индивидуални и групни ревии. Последното издание на Balkan Art Fashion Event предизвика големо внимание од страна на авторите од регионалните земји, поради што тимот на BAFE одлучи платформата да ја подигне на регионално ниво.
- Balkan Art Fashion Event е модна манифестација која се одржува петта година по ред, а настана со идеја да ја промовира првенствено домашната, а потоа и регионалната модна сцена, и да им овозможи поддршка на младите, недоволно афирмирани дизајнери да го прикажат својот талент како на стручната, така и на пошироката публика. BAFE посебно внимание посветува на помагање во развојот на оние автори кои модата и облеката не ги сфаќаат само како индустрија, туку и како своевидно уметничко изразување, перформанс кој се одвива подеднакво и на модната писта и на улица – велат од тимот.
Деветтиот по ред BAFE ќе се одржи во ноември во Белград. За повеќе информации, следенете на Stylist.mk и посетете ја страницата на Фејсбук.
Нема коментари