Актерите Наташа Петровиќ, Јана Пауновска, Матеа Јанковска и Дарко Набаков ќе играат на перформансот со кој ќе биде промовирана новата колекција на креативното дизајн студио „Преплет“ утре (среда) во „Јавна соба“. Интерактивната презентација, која е во режија на Билјана Радиноска, ќе почне во 21 часот, а влезот е слободен за сите посетителите.
Наташа Петровиќ ќе биде дел од актерката екипа што ќе настапи на промоцијата
Новата колекцијата содржи ексклузивни комплети составени од неколку производи меѓусебно поврзани на една иста тема “комплети “, комплет за љубители на патувања, комплет за љубители на книги, за љубители на кафе, на готвење и слично. Со новата колекција секој поединец може да си ја пронајде својата страст кон одредена работа и преку користење на комплетотда му се олесни секојдневието. Посетителите со препознавање на својот карактер во еден од актерите ќе заклучат кој комплет е најсоодветен за нив.
Дизајнерите Магдалена Дилевска и Викторија Ланговска стојат за брендот „Преплет“
„Преплет“ е концептуално креативно студио основано во 2013 година од страна на дизајнерите Викторија Ланговска и Магдалена Дилевска. Студиото креира производи кои содржат одредена порака испишана на македонски јазик и кирилица. По промоцијата новата колекција на „Преплет“ ќе биде на продажба во концепталната продавница во „Јавна соба“.
Нема коментари