Португалскиот моден бренд Parfois за последниве четири години колку што е присутен кај нас стана доста популарен и посакуван поради широкиот избор на накит, чанти и модни додатоци кој задоволува поголема модна публика. Редовно ги следиме новите колекции кај Parfois, а вчера се запознавме и со пролетната колекција Tribu. На модната презентација органзирана во просторот на Little Box Shop&Wine во Скопје, гостуваше и Мафалда Мореира Коста, од trade marketing службата на Parfois, која ни зборуваше за брендот, за новата рекламна кампања снимена на Тенерифе и за стиловите во оваа линија.
Parfois организира интересно модно дружење
Со чаша шампањ и убав кашкавал модните новинари и уредници имаа можност одблиску да ја видат колекцијата инспирирана од африканската савана како чантите со мотив на леопард и тигар, креациите украсени со богат вез од шарена мониста, сандалите со реси и накитот во етно-стил. Добивме и задача – да одбереме омилени парчиња од колекцијата и да ги означиме со персонализирани етикети. Следеше симпатична потрага по чантата или ѓерданот што ни остави најголем впечаток и фотографирање за Инстаграм. Дел од омилените парчиња веќе се на нашите шопинг листи.
Разгледување на новата колекција наречена Tribu
Зошто е Tribu толку примамлива? Затоа што нуди атрактивни парчиња во кои ќе видете забележани – оние стилски похрабрите ќе изберат голема чанта со шара, некој модел со реси, мониста и украсни камчиња или масивен ѓердан со големи златни овални парчиња, но има креации и за оние што сакаат посмирен изглед. Колекцијата ја раскажува приказната за саваната, за африканските племиња и нивната иконорафија, преку разните видови чанти со етно-шари, но со модерен израз. Некои од чантите се големи од видот shopping tote, некои се носат преку рамо, а има и клач-чанти кои може да се носат од утро до мрак. Во однос на боите тие се на црна основа, но збогатено со зелена, тиркизна, чоколадно кафена и инсерти цо црвена, беж, зелена и бела.
Егзотичната атмосфера на Африка продолжува кај накитот кој е крупен и златен, со реси и мониста, со пердуви и камчиња што реферира на племенски парчиња. Во Parfois ќе најдете и ленени марами и туники, разни шапки и часовници, модели на чанти и ниски чевли во посмирен стил и колорит.
Модната новинарка и стилистка Цаци Паковска
Блогерката Јована Зука веќе носи чанта од колекцијата Tribu на Parfois
Бирање фаворит како предизвик на настанот на Parfois
Милена Танаскоска од магазинот Unique со својот фаворит
Нема коментари