На 5 мај њујоршкиот музеј на уметност Метрополитен ќе ја отвори својата нова изложба во склоп на Ирис Манус x Machina, чиј куратор е Ендрју Болтон. Истражувајќи го односот помеѓу рачното и машинското произведување на модата, на поставката ќе учествуваат повеќе од 100 креации на висока мода и претапорте, кои се движат од тоалета на Чарлс Фредерик Ворт од 1880-тите, преку коктел фустани на Ив Сен Лоран од 70-тите до креација од колекцијата на висока мода за есен 2015 на Карл Лагерфелд за „Шанел“. Целта е преку изложбата е да се покаже дека како се движиме понапред во 21. век, така се замаглува линијата меѓу високата технологија и знаетчиството.
Ендрју Болтон, куратор на Институтот за костими при Метрополитен зборува за изложбата на вчерашниот настан во музејот
-Традиционално, разликата помеѓу високата и претапорте модата се базираше на рачната изработка и машинското производство, но во последно време таа разлика стана нејасна, бидејќи двете дисциплини ги прифатија практики и техники едната на другата. Manus x Machina ќе се соочи со конвенциите на дихтомијата на рачно и машинско и ќе предложи нова парадигма соодветна за нашето технолошко доба – вели Болтон , главен куратор на Институтот за костими.
Креација на Карл Лагерфелд од колекцијата на висока мода на „Шанел“ (есен-зима 2014/15)
Изложбата ќе се одржи во кружната сала во галеријата на Роберт Леман и во Костумскиот центар на Ана Винтур, во првиот дел ќе бидат поставени разни техники на везење, изработка на тантела и ласерско сечење, додека во вториот ќе биде изложена инсталација која ќе прикаже како изгледа ателје на висока мода. Посетителите исто така ќе може да ги видат иновативните дизајни на Коко Шанел, Кристијан Диор, Карл Лагерфелд, Раф Симонс за „Диор“, Кристофер Кејн, Ирис ван Херпен, Николас Геские, а во каталогот за изложбата ќе има и интервјуа од Хусеин Шалајан, Сара Бартон, Геские, Марија Грација Кјури и Пјерпаоло Пичоли од „Валентино“, Лагерфелд, Гарет Пју, Ван Херпен, Мијуча Прада…
Креации од Коко Шанел, Карл Лагерфелд за „Шанел“, два модела на Ирис Ван Херпен и последниот е на Ив Сен Лоран
Раф Симонс за „Диор“, Исеј Мијаке, Хусеин Шалајан, Кристојан Диор и Кристофер Кејн
Нема коментари