На ревијата на „Версаче“ се појави и славната супермоделка Стела Тенант
„Ја сакам високата мода од 50-тите, за мене таа е совршена во кројот и конструкцијата“, изјави Донатела Версаче пред да ја претстави новата котур колекција на својата модна куќа „Версаче“. На ревијата со која беше отворена Париската недела на висока мода се забележа евоцирање на конкретната декада, Донатела се повика на елегантната линија на 50-тите, но вметна деконструкција, па дури и авангардност преку модернизирање на архетипивите на стилот на најелегантната модна декада. Па така дизајнерката во колекцијата за есен 2014 сечеше и кроеше луксузна ткаенина, преклопуваше и си играше со волуменот и со нови форми, но сепак ја задржа силуетата на совршено скроени фустани и припиени корсети. Со овој настан започнува серијата на ревии на новите колекции на висока мода со што Париз повторно е во центарот на светското внимание, а познатите личности и важните ликови од модата веќе се подготвени за нова доза мода. Специјална гостинка на ревијата на „Версаче“ беше Џенифер Лопез, која се појави во бел комплет кој е хибрид меѓу фустан и панталони.
Донатела Версаче и Џенифер Лопез
Гости на ревијата на „Версаче“ беа Мирослава Дума, Емануел Алт, Марио Тестино и Карин Ројтфелд
Нема коментари