Крајно изморени по два полни месеци непрекинат од по модата на четирите главни модни недели, во Париз, Лондон, Њујорк и Милано, модните проследувачи имаа силна причина да останат до последниот ден на модната недела во Париз, со што се заокружи овосезонската рунда на дизајнерски понуди за сезоната есен-зима 2014/15.
Секој моден професионалец беше љубопитен да ја види последната и веројатно најочекувана ревија на најпосетената модна недела – дебито на Никола Геские за „Луј Витон“ и да открие за што се работи во неговата прва, силно очекувана колекција. И беше тоа потполно за наследството на „Луј Витон“, како што беше наведено и во белешките за ревијата.
- Денес е нов ден, Голем ден, Вие ќе бидете сведоци на мојата прва ревија за „Луј Витон“. Зборовите не можат да изразат како точно се чуствувам во моментов… Над сè, огромна радост да се биде тука, со сознание дека мојот стилски израз е заеднички со филозофијата на Луј Витон. Гордо наслетство. Инспиративна историја која гледа во иднината и во светот. Потрага по автентичност и иновација. Копнееж по иновација. Желба за безвременост. Зарем не секој дизајнер во основа копнее да искреира нешто безвременско. И отпоздравувам на работата на Марк Џејкопс, чие наследство бескрајно го почитувам. И ви благодарам што сте тука да го поделите овој момент со мене. Им благодарам на сите кои ми помогнаа да ја раскажам оваа нова приказна и кои го направија „Луј Витон“ она што е. Благодарам на сите кои се тука на овој ден, токму сега. Денес е нов ден” – напиша Геские.
Средбата нa еден од најголемите светски брендови со еден од најпознатите постојано креативни дизајнери секогаш прeдизвикува бура на очекување. Ревијата на „Луј Витон“ се чини дека беше најочекувана на тукушто завршената Париска модна недела. Пред сè, поради фактот дека е тоа прва колекција на Никола Геские за оваа модна куќа.
Французинот ги превзеде уздите директно од дизајнерот Марк Џејкобс минатата година, одкога Џејкобс самоволно си замина од куќата. Геские се оддалечи од сите спектакуларности на Џејкобс кои тој ги креираше последниве неколку сезони (како возот, ескалаторот, каруселот) и го врати фокусот назад кон облеката.
Креациите прикажуваат модели инспирирани од 60-те со А-линија, како здолништа до колена со џемпери или бодија, панталони со висок струк од лакирана кожа со укроени палта, игриви шарени фустани со патентни детали однапред и бушави кремасти тренч-мантили, но и пачворк-панталони со коцкести и палта во боја на камила. Сè ова со палета зелена, портокалова, беж и сива боја, спарено со луксузни патни торби (без ова ниедна ревија на „Луј Витон“ не би била комплетна) и до чизмички до глужд и со детали. Голите нозе и распорите би можеле да бидата премногу опортунистички за зимската сезона, но Геские си направи своја поента. Тој и’ даде на француската куќа екстра носливост во намера да го прошири брендот на интернационалниот пазар, но сè уште да додава доволно острина да ги одржува работите модерни и интересни.
Настанот се одржа во привремениот простор во Корс Де Карусел на музејот Лувр, со природна светлина која ѕирка низ индустриските капаци. Колекцијта се отвори со сјајни црни кожни мантили и јакни со кафени панели и продолжува во таа насока: остро и чисто, подвлекувајќи ја линијата помеѓу ретро чуството од 60-те и посовремен изглед.
И покрај некои препознатливи допири на дизајнерот ова беше поразлична колекција од оние видени во неговитео „Баленсија“, со поносливи аутфти, како мали блузички, здолништа со-А линија, високо кроени фустани, украсени со сјајни лакирана и крокодилска кожа.
Геские исто така даде своја нота и на додатоците, од чизмичките до глужд до чантите.
Нема коментари