Популарната пејачка својата примарна професија ја балансира со други интереси, на пример работата како креативен директор на „Пума“, малите актерски улоги, лансирањето на сопствената козметичка линија Fenty, а сега на листата ја додава својата агенција наречена Fr8me која ќе се занимава со убавина, стајлинг на шминка и фризура и барање нови таленти. Агенцијата со седиште во Лос Анџелес ја отвора во партнерство со Беноа Демој, ќе претставува шминкери, фризери, стилисти, и ќе се грижи за нивно букирање на разни едиторијали, реклами и појавувања на настани со црвен килим.
-Фризурата, шминката и стајлингот имаат голема улога во креативноста. Јас секогаш сум инволвирана во тој процес, така што агенцијата беше нешто сосема природно за мене – изјави Ријана за THR, и нагласи дека тимот кој работи на нејзиниот изглед, личната шминкерка Мајла Моралес, стилистот Џејсон Болден, и фризерите Патриша Моралес и Марша Хамилтон, први се согласиле да бидат дел од Fr8me.
Демој открива дека агенцијата будно ќе следи што се случува на социјалните мрежи и ќе бара нови таленти токму во интернетскиот простор, па може да се случи да ангажираат шмикер или стилист што го забележали на „Инстаграм“. Според Беноа, ако треба да бираат кого попрво би ангажирале во агенцијата, поголем приоритет ќе има шминкер со 500.000 следбеници на социјалните мрежи, отколку некој со други референци.
Нема коментари