Во присуство на бројни клиентки и љубители на модата, дизајнерката Росица Мршиќ вчеравечер во своето студио во центарот на Скопје со коктел забава ја промовира својата нова колекција MUSE. Линијата за есен-зима 2017 го задржува препознатливиот женствен стил на креаторката, истовремено црпејќи инспирација од 20-тите години, но следејќи ги актуелните модни потреби на современата жена. Во основата на колекцијата се едноставните, архитектонски прецизни кроеви, овој пат дополнети со плисе, брокат со тантела, светкава мониста и рачно изработени детаљи.
За првпат во својата работа Мршиќ користи зелена боја, која е суптилна, топла и е искористена за надградување на приказната, преплетувајќи се со базичната црна, смирената сива и контрасната бела боја. Новитет е и корситењето на монистата на бомбер јакните, како и на свечената зелена креација инспирирана од „чарлстон“ ерата. Новина е корсиење на еколошките крзна кај елеците, палтата и капутите во црна и зелена нијанса. Тие го нагласуваат зимскиот карактер на парчињата, а брокатот идруги декорирани ткаенини се употребени за да се овозможи комбинација на парчињата за постигнување вечерен изглед. Колекцијата содржи дневни и вечерни модели што можат меѓусебно да се комбинираат.
Инспирација за колекијата MUSE на креторката ѝ била американската фотографка, артистка и модел Ли Милер, која восхитува со храброст, слободен дух и креативност, е муза на дизајнерката Таа ја персонифицира жената за која се наменети креациите на Мршиќ.
Оваа сезона, модното студио на Росица Мршиќ слави осум години постоење со дваесет создадени модни колекции, со остварена соработка со домашната индустрија и со странски он-лајн платформии и концептуални бутици и со добиени меѓународни награди.
Колекцијата е наменета за продажба на домашниот и странскиот пазар во студиото на Росица Мршиќ, во продавницата Виа во Скопје, на онлајн продавницата на дизајнерката,на Bastet Noir во Македонија и на многу други интернационални онлајн продавници.
Во продолжение се фотографиите од каталогот со новите креации. (A.Н.С.)
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари