Саемот за венчавки „Во Бело“ ќе се одржи од 17 до 19 март во „Александар Палас“

Седмото издание на Саемот за венчавки „Во Бело“ ќе се одржи од 17 до 19 март во хотелот „ Александар Палас“. На отворањето ќе се одржи модна ревија на венчаници и машки костуми, на која како модели ќе се појават познати личности, а ќе следува разгледување на изложените декорации и понуди за свадби како и свечен коктел.

На саемот ќебидат претставени венчаници од Антонија Ристовска

Саемот ќе се одржи во трите сали (1700м2 сите три хали) на хотелот, каде излагачите ќе претстават модели од своите нови колекции. Заштитно лице и водител на целата манифестација оваа година е дамата со стил Елена Стефановска. Саемот и оваа година ќе се обиде да им помогне во решавањето на дилемите на идните брачни парови, па освен венчаници и костуми ќе имаат можност да ги видат последните трендови за декорациите на свадба, фотографските услуги, специјалното осветлување, покани за свадба, шминка и фризура, накит, подароци за свадба, ресторани и др. Влезницата за саемот е 70 денари, а се купува на самото место и е воедно ваучер кој ќе им овозможи попуст во текот на целата година кај излагачите.

Меѓу учесниците е креаторката Мила Кадриу

Овогодинешни излагачи на саемот за венчавки се: Mcouture by Mila Kadriu, модната куќа Елена Лука, Антонија Ристовска, модната куќа Биљана, Атеље JZJ Couture by Zlatko Jovanovski, Атеље за венчаници „Пепика“, Bianka Sposa, Атеље Матра, „Драма Брајдл“, „Елизабет Дизајн“. Од машката мода ќе бидат застапени: Сињори, Фешн тримс Дандел, Italian style by Tives. Други изложувачи се: Цептер, Casamento, Fancy Marriage, Декорации Висаж, цветни декорации Грација, Дуни, Ава Атеље, Ла Фере,Ботега, Мирор ме фото студио, Фото Бут, продукција за свадбена кинематографија Баба3д, фото Ивама, Панајоти, Тајмлес фото, Палашев фото и свадбени букови, свадбена кинематографија Мјелма, свадбено осветлување Клс, свадбено осветлување Инфомедиа, покани за свадба Bella Vita, покани за свадба, ресторан Амор, ресторан Александар Палас, ексклузивен накит од Нина Бокс, накит Олимпија, кетеринг Гала Кујна, винарија Филовски и др. На самиот евент ќе има десетина модни ревии, а за добрата шминка и фризура ќе се погрижат од центарот за едукација Ева. Организатор на овој свадбен викенд е интернет магазинот „Во Бело“ www.vobelo.mk. Саемот е отворен за посетителите во сабота и недела, 18-19 март, од 9 до 21 часот.

Гостите ќе може да погледнат венчаници од ателјето „Пепика“