Како авторка на блогот Gаry Pepper Girl австралијката Никол Ворн предизвика внимание уште во почетокот на модното блогерство, денес таа важи за една од најуспешните модни инфлуенсерки. А деновиве предизвика внимание со својата свадба со фотографот Лук Шадболт, секако повеќето ги интересираше како беше облечена. А Никол смени дури пет комбинации.
Никол и Лук свадбата ја направија покрај езерото Ванака во Нов Зеланд, и ја замислија како тридневен настан исполнет со пробување органско вино и журка под ѕвездите. За време на тие три дена Никол облече пет различни персонализирани комбинации, за кои ги ангажираше Пјерпаоло Пичоли од „Валентино“ и австралискиот дизајнер со македонско потекло Тони Матичевски.
Никл со Пјерпаоло Пичоли од „Валентино“
Во интервју за Vogue Никол ги опиша петте креации што ги носела за време на тридневната свадба. Главниот фустан е кутур-модел на „Валентино“ за чија изработка 20 луѓе работеле вкупно 936 часа. “Не планирав да носам вел, мислев дека изгледа премногу свадбарски за мене. Но кога ја видов скицата на Пјераоло Пичоли, почнав да се замислувам како го носам и тоа никако не ми излезе од глава“, изјави Никол за одлуката да носи вел.
Познатата инфлуенсерка носеше и комплет од Тони Матичевски, со кого е фотографирана и кој присуствуваше на свадбата
Еден од изборот на Никол е фустан со нагласени карнери на Лора Ким и Фернандо Гарсија (кои креираат за Monse и за Оскар де ла Рента), а во свадбените денови облече креации на австралиските креатори Тони Матичевски, Дион Ли и од Мајкл Ло Сордо и Рајан Сторер.
Креација на Лора Ким и Фернандо Гарсија
Никол и Тони
Во фустан на Дион Ли
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари