Љубовната фантазија на режисерот Гиљермо дел Торо „Обликот на водата“ триумфира на доделувањата на Оскарите вчеравечер во „Долби театарот“ во Лос Анџелес. Покрај златната статуетка за најдобар филм, победи и во категориите за најдобра режија, за дизајн на продукција и за оригинална музика. Филмот на мексиканскиот режисер беше номиниран во 13 категории, а важеше i за најголем фаворит.
Филмот на мексиканскиот режисер Гиљермо дел Торо, „Обликот на водата“ победи на 90-тото доделување на Оскарите
И во другите главните категотии на најпрестижните филмски награди во Холивуд немаше изненадувања.Како што беше очекувано, Френсис Мекдермонд е прогласена за најдобра актерка, за улогата во филмот „Три билборди пред Ебинг, Мисури“ , додека оскар за најдобра главна машка улога доби Гери Олдман за портретирањето на Винстон Черчил во „Најмрачниот час“. Признанието за најдобра споредна улоги, кај жените го доби Алисон Џени („Јас, Тонја“), а кај мажите Сем Роквел („Три билборди пред Ебинг, Мисури“).
Најдобрите актери за 2018- Сем Роквел, Френсис Мекдермонд , Алисон Џени и Гери Олдман
Оскарот за најдобро оригинално сценарио го доби „Излези“, додека за адаптирано сценарио „Повикај ме со твоето име“. Најдобар филм од неанглиско подрачје е чилеанскиот „Фантастична жена“, најдобар документарец е „Икар“, во категориата за анимирани филмови победи „Коко“, кој зема оскар и за најдобра песна-„Remember Me“.
Џордан Пели доби оскарот за најдобро оригинално сценарио за „Излези“
Во техничките категории со најмногу оскари се закити историската драма „Данкирк“, кој зема награди- за најдобра монтажа, за најдобра монтажа на звук и за микс на звук. Ико не се најде во потесниот избор за најдобар филм, новото продолжение на култниот „ Блејд ранер 2049 “ доби два „оскари“, за најдобра фотографија и за визуелни ефекти.
Феј Данавеј и Ворен Бити овој пат го прочитаа вистинскиот победник
Домаќин на 90-тото, јубилејно издание на „Оскарите“ беше Џими Кимел. Настанот помина без поголеми скандали, a ланската збрка околу побендикот беше „поправена“ со повторно појавување на Феј Данавеј и Ворен Бити како презентари на наградата за најдобар филм. Овој пат беше именуван вистинскиот победник. Оскарите, како и сите останати холивудски церемонии оваа сезона беше во знакот на актуелните кампањи против сексуалното вознемирување #МеТоо и половата нерамноправност #TimesUp, кои потикнаа цела револуција во филмската индустрија. Се носеа и портокалови беџови и против оружјето.
Традиционално, најзоборуван и најфотографиран дел од оскарите е цврениот килим. На следниот линк се најубавите креации на Оскар 2018.
И на оскарите дамите го дигнаа својот глас, поддржувајќи ги кампањите #МеТоо и #TimesUp
Дел од екипата на најновото продолжение на кино-хитот „Војна на Ѕвездите – Последниот Џедај“
Нема коментари