Кој вели дека венчаницата мора да чини прекумерно многу за да биде елегантна, романтична и совршена за вашиот свадбен ден!? Шведскиот моден гигант H&M и претходно нудел свадбени фустани (се сеќавате на моделот на што Виктор и Ролф го понудија за брендот пред неколку години), ама сезонава брендот лансира нов модел кој со сигурност е многу подостапен во однос на вообичаено скапите венчаници. Фустанот на H&M е долг, лелеав и драпиран, има нежно украсување околу вратот, направен е од еколошки материјали и чини само 100 долари или 80 евра.
Долгиот и драпиран фустан украсен со нежен вез ќе почне да се продава кон крајот на месецот
Венчаницата на H&M ќе почне да се продава кон крајот на месецот, и доколку се покаже како успешен потег, може да ја револуционира индустријата на венчаници и свадбени фустани. H&M се повикува на младата модна публика која е подготвена за трендовска облека без да троши многу пари. Од друга страна, со овој модел брендот покажува и одговорност за зачувување на животната средина со тоа што употребува органски и рециклирани материјали. Потребата за поевтина венчаница е резултат на повеќе истржувања кои покажуваат дека модерната жена сè помалку е спремна да потроши многу пари за парче облека што реално ќе го облече само еднаш.
Оваа венчаница е дел од колекцијата на Виктор и Ролф за H&M од 2006 година, и чинеше околу 250 евра
Во 2011 година Кејтлин Кени од публикацијата Planet Money направила истражување зошто нејзиниот венчален фустан чини 3.500 долари. Земајќи предвид цената на материјалот, работната рака, додатните детали, дошла до заклучок дека трговците и дизајнерите прават профит од повеќе од 200 проценти. Во однос на верзијата на H&M, Кејтлин Дуи од Washington Post пишува: „H&M во суштина кажува дека тоа што невестите го носат на денот на нивната венчавка нема никакво значење со тоа колку многу го сакаат својот иден брачен партнер.“ Што е нешто што веќе го знаеме, нели?
Нема коментари