Скопската публика деновиве има избор од повеќе настани и фестивали кои вклучуваат дизајн, мода, архитектура, улична уметност и музика. Вчера почна „Скопје креатива“, а веќе од денес стартуваат уште три фестивали:
СКОПЈЕ СТРИТ ФЕСТИВАЛ (10-12 јуни, Градски парк)
На вкупно 5 креативни сцени за урбана култура во Градскиот парк, Скопјани ќе уживаат во графити, стрит бол, работилници, а ќе има и денс и музички стејџ. Новитети за оваа година се најавуваат неколку интерактивни работилници Custom патика, работилница за продукција на музика Beats & Breaks со диџеј Propo 88 од Холандија и Red Bull Curates проект за креативно исцртување на нови површини. Повеќе за програмата на овој ЛИНК. Facebook page - https://www.facebook.com/SkopjeStreetFestival/?fref=ts.
ПАРАТИСИМА (10-12 јуни, Младински културен центар)
Паратисима Скопје е интернационален саем на современа уметност посветен на поддршка и промоција на културата, уметноста и креативните индустрии. На главната изложба и придружните настани ќе учествуваат визуелни уметници, архитекти, фотографи, дизајнери, модни креатори, режисери… Фестивалот ќе има и музичка програма, настапуваат „Фолтин“, танц перформанс ќе имаат Frantics Dance Company од Берлин, а ќе се одржат повеќе работилници за изработка на накит и за модна илустрација. Facebook page - https://www.facebook.com/paratissimaskopje/.
БАСКЕРФЕСТ (10-19 јуни, плоштад Македонија)
Традиционално по 11-ти во Скопје, но и во другите градови низ Македонија ќе се одржи „Баскерфест”, фестивалот кој под отворено небо нуди бесплатна забава за сите возрасти. Локацијата е плоштад „Македонија”, а свои точки секојдневно ќе имаат атрактивни баскер изведувачи од целиот свет. Во Скопје фестивалот ќе започне на 10 јуни и ќе трае 10 дена, а потоа ќе продолжи и во другите градови ширум Македонија. Со овој настан секоја година се отвараат портите на Скопје како за домашната, така и за меѓународната публика која ја има во се поголем број. Се очекува настап на над 100 артисти од различни земји, многу музички точки и баскер работилници, како и катче за најмладите. Facebook page - https://www.facebook.com/BuskerFestMacedonia/?fref=nf.
СКОПЈЕ КРЕАТИВА (9-11 јуни, Плаја Виста)
Вчеравечер почна петтото издание на фестивалот за креатицни индустрии, под слоганот Поврзи ме со креативност –Hub Me With Creativity. Во трите фестивалски денови ќе имате можност да ги проследите настапите и искуствата на реномираните гости од Европа, да ги посестите поп-ап продавниците и да уживате во музичка програма. Комплетната програма на фестивалот на овој ЛИНК, а информација за дизајнерите што ќе учествуваат на поп-ап продавниците ОВДЕ. Facebook page -https://www.facebook.com/SkopjeKreativa/?fref=ts .
Нема коментари