По успешното претставување минатото лето во Охрид, изложбата на современ накит „Во синило те намамив” на 22 мај во 20.20 часот ќе биде поставена и во Музејот на град Скопје. Станува збор за авторски проект на дизајнерките на накит Јана Ацевска, Биби Клекачкоска, Дафина Џепароска и Марта Пејоска.
Дизајн на Јана Ацевска
Фасцинацијата од синилото е силна инспирација и одредница во создавањето на уникатните парчиња современ накит. Колосалните океани, бескрајното небо и брзите реки се преточени во смели и заводливи сирени на кои не можете да им се одолее.
Уникат од Биби Клекачкоска
Изложбата на современ накит во соработка со Охридско Лето премиерно беше претставена во Куќата на Уранија на 10 и 11 август 2013година. Широчината на Охридското езеро, неговото бескрајно синило и мирните бранови кои мамат воздишки, блескавата светлина на градот, како и сите лица на небото над Охрид, беа елементите на инспирација на четири жени уметници, авторки на современ накит.
Марта Пејоска
Дафина Џепароска
Нема коментари