Доделувањето на британските модни награди е еден од најзначајните настани во модниот календар во Лондон, вчерашното наградување на најдобрите во модата за 2016 година се одржа во Ројал Алберт Хол со присуство на познати модели, дизајнери и ѕвезди од шоубизнисот. Листата на награди оваа година беше проширена на категории кои се однесуваат на интернационални модни професионаци со што наградите добиваат меѓународен карактер, а церемонијата сега има хуманитарен карактер и за прв пат настанот беше отворен за широка публика преку продажба на билети. Меѓу наградените и 4.000 гости беа Кејт Мос, Наоми Кембел, Сара Бартон, Лејди Гага, Донатела Версаче, Никол Кидман, Алесандро Микеле, Џаред Лето, Алекса Чанг…
Франсоа-Анри Пино, Салма Хајек, Александро Микеле и Џарел Лето
Наградата за најдобар британски бренд ја доби модната куќа на Александар Меквин за која сега креира Сара Бартон. Најдобар дизајнер на женска облека е Симон Роша, а на машка Грег Грин. Модел на годината е Џиџи Хадид која категоријата се натпреваруваше меѓудругото и со својата сестра Бела. Интернационален дизајнер е Демна Гвасалија за работата во „Баленсијага“, а Грузиецот доби награда и во категодијата за најдобар интернационален урбан луксузен бренд за својот бренд Vetements.
Сара Бартон (Александар Меквин) и Наоми Кембел
Алесандро Микеле од „Гучи“ е најграден за најдобар дизајнер на модни додатоци, а извршниот директор на истиот бренд, Марко Бицари, е прогласен за најдобар интернационален бизнис лидер. Откритие на годината е младата дизајнерка Моли Годард, а беа доделени и неколку специјални награди – наградата на „Сваровски“ за позитивни промени во модната индустрија отиде во рацете на уредничката на италијански Vogue Франка Соѕани, а британското издание на Vogue доби специјално признание во годината кога списанието слави еден век од првиот број. Наградата именувана по Изабела Блоу е за фотографот Брус Вебер, Џејден и Вилоу Смит се нови модни икони, а Ралф Лорен доби награда за посебно постигнување во модата.
Дизајнерот Демна Гвасалија со Карин Ројтфелд и Стела Тенант
Лејди Гага, Карли Клос и Кејт Мос
Симон Роша
Оливија Палермо, Џована Батаља и Алекса Чанг
Марио Тестино со уредничката на британски Vogue Александра Шулман
Манекенките Мили Доналдсон и Џоан Смолс/ Жан Пол Готје во друштво на Ана Кливленд
Нема коментари