Младата креаторка Ирина Тошева и домашниот бренд Lotus Design Store на 27 септември ќе одржат работилница во рамки на четвртото издание на Skopje Design Week. Деновиве е отворен повик за сите заинтересирани млади девојки, дизајнери и уметници на возраст од 18 до 30 години. Работилница за моден круг ќе се одржи од 12 до 16 часот во Куршумли aн, Старата скопска чаршија. Предвидено е учествио на шест кандидати. Работилницата е наменета за секој вљубеник во модата и лесната и брза реализација на креативните идеи.
-Оваа работилница е наменета за вљубениците во едноставноста. Сами ќе создадете модерни парчиња без посебно познавање на кроење и шиење. Модната дизајнерка Ирина Тошева, која ќе биде ментор на работилницата, ќе одговори на прашањето: Што сè можете да создадете од еден круг? Научете како во дваесетина минути да создадете облека за вашето следно излегување…Учесниците треба да го донесат следниот работен материјал: парче материјал подолго од 150см со ширина 150сm, како и- монистра, украсни траки, конци, копчиња и слично по свој избор-вели Анита Гај од Lotus Design Store.
Пополнeтата апликација, заедно со кратко CV испратете ги на designstore@lotusgeneration.com најдоцна до 15 септември 2014.
Од творањето на Lotus Design Store на Анита Гај
Lotus Design Store е проект на Анита Гај за доближување на македонските дизајнирани производи поблиску до купувачите, мотивација на дизајнерите за усовршување на продуктите, заедничка промоција и продажба.
Ирина Тошева своите постдипломски студии ги завршува на Академија Италијана во Фиренца. Во нејзиното портфолио се вбројуваат: шест модни колекции презентирани на десетина модни шоуа во Скопје и пошироко, десет професионални фотосесии и четири проекти како костимограф. Нејзините колекции се секогаш дел од Модниот викенд- Скопје. Дизајнот на Тошева е дефиниран како: минималистички, шарен и младешки. Удобноста е неизмерно важна во нејзиниот пристап кон модниот дизајн. Тошева е ко-основач и директор на „Млади за љубов“, младинска организација позната по својата филантропска работа и кампањата „Гратис гушкање.“
Ирина Тошева на една од своите ревии на Моден викенд-Викенд
Четвртото издание на Skopje Design Week оваа година ќе се одржи од 23 до 28 септември во Куршумли Ан со продукција и програма што ги оправдува очекувањата на урбаната публика, дизајн и бизнис заедницата кои веќе три години ги препознаваат вредностите и уникатноста на фестивалот. Под мотото „Четврта смена”, идејата е да се доловат различните функции како промоција, деловна соработка, едукација, забава и дружење.
Нема коментари