Естетиката од култниот дистописки филм на Стенли Кјубрк, „Пеколен портокал“ доби ново, модно прераскажување во колекцијата пролет-лето 2015 на етикатата Le Brand на дизајнерката Лили Кадинска, претставена вчеравечер на Моден викенд-Скопје. Препознатливите бели костуми со црни детали, кои харизматичниот деликвент Алекс ДеЛарџ и неговата криминална банда ги носат во филмот се во основата на елегантните креации на Кадинска.
Фустаните, здолништата и блузите се претежно бели, со портокалови, темновиолетови и црни интервенции, кои ја задржуваат футуристичката слика од „Пеколен портокал“ , но истовремено имаат со силна врска со актуелната урбана елеганција и имиџот на современите бизнис-дами. Лили создаала минималистички модели, со разигран крој, кај дел од моделите инспирација влечи од модата од некои претходни декади, но сето тоа убаво вклопено во модерната приказна. Вменталан по некој карнер, плисе, а молив здолништатаи фустаните имаат длабок шлиц. Дел од креациите се со преклопи и спој на виолетовата и портокаловата боја, чии тонови совршено си прилегаат и ѝ даваат посебна топлина на секоја креации.
Креаторката со овие модели дава свое, модерно гледиште на премисатата, „Помалку е повеќе“, создавајќи елеганцијата што нема да се носи само една сезона, туку ќе добие многу репризи и примена кај клинетите. Ова е најотмената колекција на Le Brand, во кој Кадинска успеала да ја избегне стапицата во која обично паѓаат нашите дизајнери кога скакаат да им се доближат на своите клиенти од бизнис-елитите. Таа направила канцелариски модели, кои може да се носат и на вечерни изгледувања, на свечености и разни секојдневни пригоди, без притоа да изгледаат како да се дојдени на состанок. (А.Н.)
Фото: Stylist.mk
Нема коментари