Оската на која се заснова денешниот моден свет се темели на четирите града: Њујорк, Лондон, Милано и Париз. Секој од тие градови си има своја модна недела, а секоја од нив си има свои значајности и карактеристики. Она што е заедничко за сите нив е што токму тие се оние најпрестижните на интернационалната модна карта.
Се разбира дека и во многу други градови низ светот се оформени и се одржуваат модни недели исто така, поточно – во секој поголем град се одржува ваков настан и многу од нив, исто така имаат стекнато значајно место во бизнисот како на пример Берлин, Сао Паоло или Токио, но досега никој од нив го нема добиено значењето на големата четворка. И пред секоја нова сезона можеме да се запрашаме: од каде тргна сè, кога е организирана првата модна недела, чија била идејата и зошто тоа се случи?
Првата модна недела се одржала во далечната 1941година во Њујорк, под називот Press Week (недела на медиумите), од денешен аспект интересен, па дури и поучен назив во однос на ревиите и структурите на кои се наменети. Тогаш, на самиот почеток на Втората светска војна, и не така сјајната ситуација во светот, целиот тој концепт за денешни услови изгледа по малку и смешно. Но каков и да бил, тој сепак ја исполнил основната идеја, да им даде можност на американските дизајнери да излезат од сенката на дотогаш доминантните француски колеги. Но, профитираат уредниците и модните новинари што имале можност да известуваат од ревиите на американските дизајнери.
Потоа списанијата како Vogue i Harper’s Bazaar, се повеќе прават свртување кон американската мода и француската станува по малку загрозена. Американците полека но сигурно стануваат важен дел од светската модна сцена а нивниот карактеристичен, едноставен и лежерен пристап кон дизајнот е својствен на модата што доаѓа од Њујоршка модна недела сè до денес.
Иако Press Week не било првото случување нс кое се презентирала некоја дизајнерска колекција, прв пат е организиран настан на кој разни имиња ги презентираат своите изработки на едно место. Денес тоа го препознаваме како Моднa недела.
Лондон, Париз и Милано по примерот на американскиот модел, организираат свои модни недели со првото прикажување во 1961 во Лондон, 1973 во Париз и 1979 во Милано. Но, сè до раните 90-ти години во Њујорк не постоеше модна недела конципирана на начин на кој тоа се прави денес. За тоа е заслужен Ферн Малис, претседателот на IMG и продуцент на Модната неделаво Њујорк, кој присуствува на прилично катастрофална ревија на Мајкл Корс , која како и повеќето други во тоа време е засенета со споредни работи. Набрзо потоа следи потрага по идеален простор во кој коечно би можеле презентираните колекции да се истакнат во преден план. И пронајден е облик во Брајан Парк. Во 1994 година американските дизајнер почнале своите колекции да ги прикажуваат во шаторот кој сè до денес останува идеално и најскапо место во Америка, но и пошироко.
Нема коментари