После претставувањето на пролетната колекција наречена Brave New World, дизајнерката Силвија Михајловска од модниот бренд „Алшар“ подготови летна варијанта која стилски се надоврзува на претходната колекција.
Новата колекција на „Алшар“ нуди повеќе верзии на фустани, со различни должини, кроеви и за различни пригоди. Креациите се изработени од природни материјали како памук, лен и свила. Доминираат црна, бела, кафена и земјени тонови. Одредени модели се еднобојни, но користени се и принтови – каро, анимал принт и шара на мермер. Забележуваме сафари детали, нагласени раменици и крагни, ремени и појаси кои ја нагласуваат половината, волумен и асиметрично кроење препознатливо за дизајнерката.
Оваа колекција ќе се надополнува со нови креации и полежерни модни парчиња. Дизајнерката Силвија ни најави дека наскоро следува летна поексклузивна колекција, целосно изработена од бели ткаенини.
Нема коментари