Модната куќа „Ланвин“ тукушто соопшти дека дизајнерката Бушра Џарар е нов уметнички директор во модната куќа и дека таа веќе од понеделник е на новото работно место. Џарар, француска дизајнерка со мароканско потекло креира висока мода, а отсега ќе биде задолжена и за женската претапорте колекција на „Ланвин“. Нејзината прва колекција за куќата ќе биде за сезоната пролет-лето 2017. За разлика од петходниот и долгогодишен дизајнер на „Ланвин“ Албер Елбаз кој беше задолжен и за женската и за машката колекција, Џарар ќе креира само женска колекција.
-Нејзиниот талент, високите стандарди и нејзиното мајстворство за кроење, ќе донесе нова свежина и модерност во куќата, додека истовремено ќе ја почитува душата на една од најстарите париски couture куќи, симбол на француската елеганција – изјави Мишел Уибон, главен извршен директор на „Ланвин“.
Џарар ја лансира својата истоимена модна куќа во 2010 година, и има работено на позициите директор на ателје кај „Баленсијага“ и шеф на дизајн за висока мода кај Кристијан Лакроа. Дизајнерката во соопштението вели дека „во Ланвин има за цел да ја донесе хармонијата и конзистентноста на модата дизајнирана за жените, мода на нашето време“.
Нема коментари