Пораката на првата колекција на висока мода на париската модна куќа „Шанел“ е дека иако Карл Лагерфелд повеќе го нема, „Шанел“ продолжува понатаму со нови успесиа, а наследничката на Лагерфелд и неговата долгогодишна десна рака Вирџини Вјард во новата колекција за есен-зима 2019/20 го следи концептото на реинтерпретација на класиците на куќата.
„Сонував за жена со ноншалантна елеганција и флудина и слободна силуета, односно сè она што ми се допаѓа во привлечноста на „Шанел“, вели Вјард за силуетата во колекцијата, во која претстави капут-фустани од твид, сакоа со нагласени раменици, здолништа со А-крој, разни верзии на комплети, транспарентни панталони, употреба на бела и црна боја, вечерни фустани во розова, магента и боја на малини капини. Вјард повеќе од две децении го надлегуваше одделот за висока мода кај „Шанел“, па креирањето на првата колекција без Лагерфелд не ѝ беше непознаница.
Знаеме дека Лагерфелд сакаше ревиите да ги претставува со помош на спектакуларни сценографии изградени во Grand Palais, Вјард ја следеше таа идеја и „Шанел“ колекцијата ја презентира во истата сала, овој пат преуредена како циркуларна библиотека на три ката, налик на една читална во Британскиот музеј. Темата на библиотека е на некој начин поствета и на Коко Шанел и на Карл Лагерфелд, кои и обајцата биле библиофили, а како рефернца служела библиотеката на Коко во нејзиниот апартман на Rue Cambon во Париз.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари