Соланж Ноулс во модерен костум, Кети Пери во верзија на џинс-стајлингот на Бритни Спирс и Тејлор Свифт во неочекуван шорц-комбинезон
Впечатливи, но и веќе видени, пренакитени, кич, разголени, сатирични и костимирани беа модните решенија на поголемиот дел од музичките ТВ и филмски ѕвезди на црвениот килим на церемонијата на Видео наградите на „Ем-ти-ви“ што се одржа вчера во Калифорнија. Иако на настанот се појавија повеќе поп-ѕвезди од А-листата, сепак настанот беше преплавен со нови, речиси непознати музички имиња и инстант ѕвезди, сите со желба да бидат уловени од камерите. Утрово светските модни магазини и сајтовите за стил без проблем направија листи со најлошо облечени, додека имаа проблем да соберат барем 10 најдоби модни избори. Сепак има доста модни решенија што ќе се паметат, пред сè поради некреативоста. Меѓу нив имаше лоши копии на веќе видени верзии, како што е случајот со Кети Пери, која имаше обид да го повтори џинс-имиџот на Бритни Спирс и Џастин Тимберлејк, а Амбер Роуз, која се појави речиси гола со фустан од метални ленти, во кој наликуваше на актерката Роуз Мекгован во 1998 година, или Ријана пред неколку месеци. Други беа критикувани заради очигледната модна ограниченост и избор на креација во каква веќе сме ги виделе, како Бијонсе Ноулс, Џенифер Лопез и Гвен Стефани. Првата во цфрн сирена-фустан со трансперентни делови, втората во расцепкан а ла „амазонка“ модел и третата како вечна тинејџерка во розов комплет од својот бренд L.A.M.B. Трети имаа несреќа да се поклопат со стајлингот на други девојки присутни на настанот, како Ким Кардашјан, која имаше сличен фустан од „Балман“ со манекенката Џоан Смолс. Мајли Сајрус, Џордан Дан и Кендал Џенер синхронизирани избрале црн топ-лента. Иако е млада и има добро тело и долги носе, Тејлор Свифт Претерала со шорц-комбинезонот, со дезен, за кој некои сајтови се ѓегуваат дека личи на хартија за завиткување на поклон, без некоја посебна идеја е и спојот на розовите панталони со корали блуза на Клои Морец. Рита Ора и Деми Ловато избрале безгрешни црвени креации во стилот на златаната ера на Холивуд, носо предлабоки шлицови. Можеби едни од најдобрите решенија беа на Соланж Ноулс, која носеше костум од H&M и црниот фустан со потпис на дизајнерот со македонско потекло Тони Матичевски, што го носепе водителката Рене Барг.
Раголени ѕвезди: Рита Волк, Амбер Роуз и Џенифер Лопез
Црнт топ-лента беше изборот на Џордан Дан, Кендал Џенер и Мајли Сајрус
Манекенката Џоан Смолс и Ким Кардашјан во слични фустани од „Балман“. На која подобро ѝ прилега?
Шанел Иман и Бијонсе Ноулс со транспарентни црни фустани
Заменети улоги. Клои Морец како возрасна дама, а Гвен Стефани како тинејџерка
Впечатлив црвен фустан е безгрешен избор за Шер ЛОјд, Рита Ора и Демо Ловато
Иги Азалеа, Џеси Џеј, Кеша и Кели Роуланд во долги бели тоалети
Малку поинаква класика: Џулијан Хју. Нина Добрев, Сар Хајленд и Мишел Вилијамс
Рене Барг во фустан од дизајнерот со македонско потекло, Тони Матичевски
Џереми Скот во впечатлив жолт костум, со “смајли“ на грбот
Секој во својот (музички) моден свет: Адам Леван, Ед Шеран, Ашер и Сем Смит
Ники Минаж, Арланд Болдвон, Енџел Хејз и Викторија Џастиз
Аријана Гранде, Луси Хејл и Лаверин Кокс
Нема коментари