Со фестивалот во Палм Спрингс почна сезоната на филмски награди

Од stylist @StylistMKD · На јануари 5, 2015

Сезоната на филмски награди почна веднаш по Нова Година со доделувањето на наградите на филсмкиот фестивал во Палм Спрингс, со што почна и следењето на модниот избор на ѕвездите за црвен килим. Во Палм Спрингс наградени беа Розамунд Пајк, Дејвид Ојелово, Еди Редмејн, Џулиен Мур, Алехандро Инариту, а специјални награди примија Риз Витерспун, Роберт Дувал и Ричард Линклејтер. Во однос на модата, наш фаворит е Розамунд Пајк која носеше фустан од Александар Меквин и црни сандали од Брајан Атвуд, а изгледаше одлично само еден месец по раѓањето на нејизното второ дете. Елегантни беа и машките ѕвезди Еди Редмејн, Бред Пит во костум од Том Форд и Дејвид Ојелово во светкав костум од Келвин Клајн. Риз Витерспун се појави во црн фустан од Мајкл Корс извезен со бисери, додека Џулиен Мур избра креација во интензивно портокалова боја од „Делпозо“. Портокалова боја е изборот и на Лора Дерн, додека Фелисити Џонс носеше црно-тегет фустан со детаљ од тантела.