Елса Патаки e главна ѕвезда на првиот моден филм Dark Seduction на шпанскиот бренд Women’secret во режија на Паула Ортиз. Видеото беше презентирано деновиве на прес-конференција. За да ја претстави лимитираната колекција Women’secret го одбра форматот на моден филм како нов рекламен медиум, особено популарен кај премиум модните брендови. Хауме Микел, генералниот менаџер на Women’secret ѝ се заблагодари на Елса за нејзиното инволвирање и поддршка на брендот
-Елса ги има сите особини за да ја игра носечката улога во овој филм – таа е сопруга, мајка, професионалец и знае како да ги комбинира овие улоги совршено-изјави Микел.
Режисерката Паула Ортиз, генералниот менаџер на Women’secret, Хауме Микел, и Елса Патаки која ја толкува главната улога во филмот.
Филмот Dark seduction открива возбудлив свет каде линијата помеѓу реалното и нереланото е речиси незабележлива, а Елса Патаки игра сензуална жена со секси, привлечна и заводлива страна. Актерката во врска со учеството во снимањето на модниот филм и соработката со брендот изјави:
-За мене, беше од огромно значење што токму жена е режисер на филмот…Паула со своето искуство и специфичен пристап му ја дава на филмот магична нота што го прави извонреден. Дополнително, привилегија е да се соработува со шпански бренд како women’secret - тој беше еден од првите брендови за долна облека кој ми помогна да ја изразам својата сензуална страна уште додека растев.
Официјалната промоција на капсулната колекција како и на филмот ќе се случи во ноември, a за обожавателите на брендот промоцијата ќе биде достапна во живо онлајн на интернационалната интернет страница на брендот.
Нема коментари