„Ал Апарел“ ја промовира новата колекција A Beautiful Soul за современи невести

A Beautiful Soul е името на новата колекција венчаници за есен-зима 2017/18 на Наташа Карчева, која стои зад ателјето „Ал Апарел“.

-Инспирацијата за новите невестински модели и свечени фустани, како и секогаш, ја најдов некаде длабоко во душата, во убавината на сето она што е скриено длабоко во нас, а одоошевува и со некоја посебна убавина однадвор. Моменталнте чувства, поривот на некоја внатрешна енергија, која ме води во целиот оној креативен процес на создавање на секоја креација-вели креаторката Карчева.

Колекцијата е составена од 19 креации изработени претежно од свила, мек жоржет, мек француски тул, француска тантела, муслин, брокат, од една страна и прекрасни рачно изработени тантели,многу рачни доработки од друга страна.

-Повторно како и во моите претходни колекции, го избегнувам оној класичниот и стереотипен модел на венчални фустани, а ставам акцент на оние нежни лесни, прозрачни, малку попровокативни венчаници, кои суптилно го отсликуваат женското тело-вели таа.

Палетата на бои е градација од бела,бисерно бела,нежна крем, нежно розева ,пудра и нежно сива. астапени се специфични кроеви на корсети, лелеави и прозрачни волуменозни здолништа Целосната слика на колекцијата е заокружена со лелеави пелерини.

-Колекцијата е наменета за сите оние малку похрабри девојки и дами кои се свесни и знаат да го носат тоа што го носат, и се со малку изострен вкус-вели таа на крајот.

Колекцијата веќе е во продажба во атељето „Ал Апарел“ на Карчева што се наоѓа во центарот на Скопје.

Неодамна беа снимени и промотивна фотосесија и видео во Chateau Kamnik, со манекенката Ивана Гелева. Зад објективот застана Александар Велов, за шминката се погрижи Меги Медичи, а за фризурата „Академија Avangarde“.
(А.Н.С.)

 *Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.