Попи Делевињ, со сопругот Џејмс Кук и сестрата Кара на својата втора свадбена забава
По лондонската свадба на популарната британска наследничка и ит-девојка Попи Делевињ со Џејмс Кук, која што се случи на 16 мај и имаше поформален стил, двојката одлучи да организира втора свадбена веселба, овојпат во ексклузивниот хотел La Mamounia во Маракеш. Ако на првата свадба невестата носеше постара креација од колекција на висока мода на „Шанел“, сега во согласност со боемскиот стил на веселбата во Мароко, облече порелаксиран бохо-фустан, специјално направен за неа од страна на Питер Дандас, креативен директор на брендот „Пучи“. Тој креираше хипи фустан со широки ракави и украсен со пастелни цветови, а се погрижи и за белиот костим на Кара Делевињ, сестрата на Попи. На веселбата се појавија голем број познати личности, како Алекса Чанг, Сиена Милер, Џорџија Меј Џегер, принцезата Беатрис, Суки Вотерхаус, а атмосферата најдобро ја илустрираат фотографиите од социјалните мрежи и особено Инстаграм-профилот на Дандас.
Питер Дандас од „Пучи“ ја креираше втората венчаница на Попи
Од вечерата во хотелот La Mamounia
Покрај главната вечера Џејмс и Попи организираа уште неколку пропратни забави
Кара Делевињ во бел костим од „Пучи“
Супермоделката Кара со колешките Џорџија Џегер и Суки Вотерхаус
Дизајнерот Питер Дандас со невестата
Модниот креатор Метју Вилијамсон со манекенката Џесика Харт
Журка како од 60-тите: Сиена Милер и Вилијамсон со мајките на брачната двојка
Дандас се фотографираше со Џоан Колинс (која ја крстила Попи кога била мала)
Алекса Чанг
Аризона Мјуз
Нема коментари