По успешната зимска кампања која ги освои срцата на јавноста, MY:TIME ја продолжува приказната „Моменти за нас“ во својата пролетна имиџ кампања. Оваа пролет фокусот се стеснува на уште поинтимни детали – на оние мали, навидум невидливи гестови кои ја сочинуваат вистинската убавина на живеењето.
Кампањата е потсетник дека вредноста на животот не е во надворешниот сјај или гласните настани, туку во тишината и спокојот на моментите кои ги делиме со најблиските.
Никола Ристановски: „Највредните моменти се тивки“
Лице и глас на оваа емотивна порака е повторно нашиот најголем актер, Никола Ристановски. Во новото видео, тој нè води низ интроспективно патување каде секојдневието станува уметност. Преку неговата нарација, MY:TIME нè потсетува на магијата на кафето во омилената шолја – послужено со внимание, на песните кои будат спомени и на разговорите кои ни ја полнат душата.
Клучната мисла на новата кампања ја сублимира храброста потребна за да се биде присутен во мигот:
„Знаеш, животот не се мери во спектакли и гламур. Највредните моменти се тивки… Секунда храброст, минута љубов и еден час надеж. Овие моменти нè обликуваат. И овие моменти го прават животот вреден за искусување.“
Пролетна рефлексија на MY:TIME
Пролетната фаза на „Моменти за нас“ е надоврзување на заложбата на MY:TIME да биде компанија која не само што го мери времето, туку и ја слави неговата содржина. Во свет кој постојано брза, MY:TIME нè кани да застанеме и да ги препознаеме незаменливите моменти кои често ги земаме здраво за готово.
„Оваа пролет сакаме да ги прославиме тивките херои на нашето секојдневие – малите нешта кои ни даваат надеж и нè исполнуваат со благодарност.“ велат од MY:TIME и ни порачуваат: „Бидете присутни и живејте ги во целост и најмалите моменти. Животот е премногу краток за да не ги уживате и споделите своите лични #МоментиЗаНас“.
Нема коментари